सिंदखेड राजा | समाधान सरकटे
पोलिसांच्या माहितीनुसार, आरोपी महिला मूळची सिंदखेड राजा तालुक्यातील सावरगाव माळ येथील माहेरची असून तिचे सासर पांगरी उगले येथे आहे. तिला एक मुलगी असून गेल्या सहा वर्षांपासून ती माहेर किंवा सासरी राहत नसल्याची माहिती तपासात समोर आली आहे.
👉 विशेष जाहिरात | अधिक माहितीसाठी क्लिक करा
प्राथमिक तपासात आरोपींची टोळी सोशल मीडियाच्या माध्यमातून व्यक्तींशी मैत्री करून त्यांना जाळ्यात ओढत असल्याचे समोर आले आहे. त्यानंतर संबंधित व्यक्तींचे अश्लील व्हिडिओ तयार करून बदनामीची भीती दाखवत मोठ्या रकमेची खंडणी उकळल्याचा आरोप पोलिसांनी केला आहे.
Honey Trap Case या प्रकरणातील अन्य आरोपींमध्ये अविनाश गणेश झोटे, अर्जुन चमन बहादूर राजपूत, शंकर माणिक जाधव, अतिश सतीश गायकवाड आणि सचिन लक्ष्मण कंठाळे यांचा समावेश आहे. सर्व आरोपींना जालना पोलिसांनी अटक केली असून गुन्ह्याचा पुढील तपास सुरू आहे.
20 जून रोजी एका बोलेरो चालकाला जाळ्यात अडकवून त्याला मारहाण करण्यात आली. त्यानंतर अश्लील व्हिडिओ व्हायरल करण्याची धमकी देत सुमारे दोन लाख रुपयांची खंडणी उकळल्याचा आरोप आहे. या प्रकरणी 23 जून रोजी चंदनझिरा पोलीस ठाण्यात गुन्हा दाखल झाल्यानंतर पोलिसांनी वेगाने तपास सुरू केला.
आरोपी बुलढाणा जिल्ह्यात पळून जाण्याच्या तयारीत असल्याची माहिती मिळाल्यानंतर पोलिसांनी देऊळगाव राजा रोडवरील पेट्रोल पंपाजवळ सापळा रचून मुख्य आरोपी महिलेला ताब्यात घेतले. त्यानंतर चौकशीतून इतर आरोपींनाही अटक करण्यात आली. तपासादरम्यान गुन्ह्यात वापरलेली रिक्षा तसेच सुमारे 2 लाख 61 हजार रुपयांचा मुद्देमाल जप्त करण्यात आला आहे.
दरम्यान, यापूर्वी छत्रपती संभाजीनगर परिसरातील एका आत्महत्येच्या प्रकरणात आत्महत्येस प्रवृत्त केल्याच्या आरोपाखाली संबंधित महिलेविरुद्ध गुन्हा दाखल झाला होता. त्या प्रकरणातही तिला अटक करण्यात आली होती. कारागृहातून सुटल्यानंतर पुन्हा अशाच प्रकारच्या गुन्ह्यात तिचे नाव समोर आल्याचा दावा पोलिसांनी केला आहे. या सर्व आरोपांचा तपास सुरू असून अंतिम निर्णय न्यायालयीन प्रक्रियेनंतर स्पष्ट होणार आहे.
वाचकांसाठी महत्त्वाचे
ऑनलाइन ओळख झालेल्या अनोळखी व्यक्तींवर सहज विश्वास ठेवू नका. वैयक्तिक फोटो, व्हिडिओ किंवा संवेदनशील माहिती शेअर करण्यापूर्वी काळजी घ्या. कोणत्याही प्रकारची धमकी किंवा खंडणीची मागणी झाल्यास त्वरित जवळच्या पोलीस ठाण्यात किंवा सायबर हेल्पलाइनवर तक्रार करा.
Related News
- घरात सुरू होता गर्भलिंग निदानाचा गोरखधंदा; पीसीपीएनडीटी पथकाची धाड, बोगस डॉक्टर रंगेहात पकडला
- दिव्यांग मुलीच्या अर्थसाह्यासाठी लाच! महिला व बालविकास विभागाचा संरक्षण अधिकारी रंगेहात अटकेत
- युवकाचा खून करून अपघाताचा बनाव? 24 वर्षीय अभिषेक वाघ हत्या प्रकरणाने खळबळ
हे आवश्यक करा
अशाच विश्वासार्ह, वेगवान आणि स्थानिक बातम्यांसाठी KattaNews.in नियमित वाचा. ही बातमी आपल्या मित्र-परिवारासोबत शेअर करा आणि आमचे WhatsApp व Facebook अपडेट्स नक्की फॉलो करा.
