बुलढाणा |समाधान सरकटे
सिंदखेड राजा तालुक्यातील राहेरी-दुसरबीड परिसरात अवैध रेती वाहतुकीविरोधात सुरू असलेल्या आंदोलनाचे वार्तांकन करण्यासाठी गेलेल्या ज्येष्ठ पत्रकार रामदास कहाळे यांच्यावर कथित रेती माफियांकडून जीवघेणा हल्ला करण्यात आल्याची गंभीर घटना समोर आली आहे. या घटनेमुळे संपूर्ण पत्रकार क्षेत्रातून संताप व्यक्त होत असून साखरखेर्डा येथे पत्रकार संघटनांनी निषेध नोंदवत ठाणेदारांमार्फत जिल्हा पोलीस अधीक्षकांना निवेदन दिले.
मिळालेल्या माहितीनुसार, राहेरी येथे ग्रामस्थ अवैध रेती वाहतुकीच्या विरोधात उपोषणाला बसले होते. या आंदोलनाचे वार्तांकन करण्यासाठी गेलेले युट्यूब चॅनलचे ज्येष्ठ पत्रकार रामदास कहाळे हे टिप्परचे फोटो घेत असल्याचा राग आल्याने काही अवैध रेती वाहतूक करणाऱ्या गावगुंडांनी तसेच संबंधित ठेकेदारांनी त्यांच्यावर हल्ला केला. या मारहाणीत ते गंभीर जखमी झाल्याचे सांगण्यात आले.
👉 विशेष जाहिरात | अधिक माहितीसाठी क्लिक करा
या घटनेच्या निषेधार्थ २२ मे रोजी साखरखेर्डा येथे पत्रकार संघटनांनी एकत्र येत ठाणेदार गजानन करेवाड यांच्यामार्फत जिल्हा पोलीस अधीक्षकांना निवेदन सादर केले. निवेदनात पत्रकारांवरील वाढत्या हल्ल्यांबद्दल तीव्र चिंता व्यक्त करण्यात आली.
पत्रकार संघटनांनी दिलेल्या निवेदनात म्हटले आहे की, पत्रकार हे समाजातील भ्रष्टाचार, गैरप्रकार आणि जनतेचे प्रश्न लोकांसमोर आणण्याचे काम करत असतात. मात्र, अलिकडच्या काळात पत्रकारांवर हल्ल्यांच्या घटना वाढत असून त्यामुळे पत्रकारांमध्ये भीतीचे वातावरण निर्माण झाले आहे.
निवेदनाद्वारे पत्रकार संघटनांनी आरोपींना तात्काळ अटक करणे, पत्रकार संरक्षण कायद्यांतर्गत कठोर गुन्हे दाखल करणे, जलदगती न्यायालयात खटला चालविणे तसेच कर्तव्य बजावताना पत्रकारांना संरक्षण देण्याची मागणी केली आहे.
यासोबतच, २४ तासांच्या आत आरोपींवर ठोस कारवाई न झाल्यास तीव्र आंदोलन छेडण्यात येईल, असा इशाराही पत्रकार संघटनांनी प्रशासनाला दिला आहे.
सदर निवेदनावर ज्येष्ठ पत्रकार अशोक इंगळे, दिलीप नाईकवाड, डी.एन. पंचाळ, सचिन खंडारे, प्रतापराव मोरे, प्रल्हाद देशमुख, पवन मगर, जुबेर शहा, विजय देशमुख, भगवान साळवे, अमोल साळवे, समाधान सरकटे, एस.पी. शिंगणे, डॉ. गंगाराम उबाळे, समाधान मस्के पाटील आणि गणेश पंजरकर यांच्या सह्या आहेत.
Related News
- कॅनमध्ये पेट्रोल न दिल्याने तलवार-कोयत्यासह पेट्रोल पंपावर दहशत; कर्मचाऱ्यांना मारहाण
- २७० क्विंटल हरभरा घेऊन ट्रक गायब! बुलढाण्यात LCB ची मोठी कारवाई; ५ आरोपी जेरबंद, १८ लाखांचा मुद्देमाल जप्त
- वाळू माफियांविरोधात LIVE वार्तांकन करताना पत्रकाराला मारहाण? दोषींना अटक करा, नाहीतर आंदोलन — पत्रकार संघटनांचा अल्टिमेटम
Join Katta News WhatsApp Channel : स्थानिक ते राज्यातील सर्व मोठ्या अपडेट्स सर्वात आधी मिळवण्यासाठी KattaNews.in सोबत जोडलेले रहा.
