भरधाव स्विफ्ट डिझायरच्या धडकेत एक महिला ठार, आठ महिला गंभीर जखमी

या अपघातात जरीनाबी अय्युबशहा (वय ४५, रा. किनगावजटू) यांचा घटनास्थळीच मृत्यू झाला. रंजना परमेश्वर कास्तोडे (५३), शांताबाई शेवाळे (४५), कल्पना विठ्ठल जमधाडे (४०), अलका मधुकर शेवाळे (४०), लक्ष्मण बबन करवते (४५), चंद्रभागा गजानन नागरे (४०), राधा गजानन गायकवाड तसेच ऑटो चालक आसिफ निंशालशहा (वय ३०) हे आठ जण गंभीर जखमी झाले आहेत.

अपघातानंतर स्विफ्ट डिझायरचा चालक घटनास्थळावरून फरार झाला असून संबंधित कार ही हिवराखंड येथील असल्याची प्राथमिक माहिती मिळत आहे. घटनेची माहिती मिळताच १०८ रुग्णवाहिकेच्या सहाय्याने सर्व जखमींना लोणार ग्रामीण रुग्णालयात दाखल करण्यात आले. प्राथमिक उपचारानंतर काही जखमींना पुढील उपचारासाठी बुलढाणा जिल्हा सामान्य रुग्णालयात हलविण्यात आले आहे.

या भीषण अपघातामुळे परिसरात हळहळ व्यक्त होत असून लोणार पोलिस ठाण्यात गुन्हा दाखल करण्यात आला आहे. फरार चालकाचा शोध सुरू असून पुढील तपास लोणार पोलीस करीत आहेत.