येवती (ता. रिसोड, जि. वाशीम) |२० फेब्रुवारी २०२६
अवैध रेती जप्ती कारवाई करत महसूल प्रशासनाने सामाजिक जबाबदारीचे उत्तम उदाहरण घालून दिले आहे. येवती येथे अवैध रेती जप्त करून ती घरकुल लाभार्थ्यांना मोफत वाटप करण्यात आली. तहसीलदार प्रतीक्षा तेजनकर यांच्या पुढाकाराने राबविण्यात आलेल्या या उपक्रमामुळे गरजू कुटुंबांना दिलासा मिळाला असून महसूल विभागाच्या कार्यपद्धतीचे सर्वत्र कौतुक होत आहे.
या कारवाईत नायब तहसीलदार गजानन जवादे, मंडळ अधिकारी जी. एल. गरकळ, ग्राम महसूल अधिकारी डी. डी. सावळे तसेच दीपक गोटे, विनोद दुबे, एम. एम. कव्हर आणि जी. आर. खूपसे यांनी सहभाग घेतला.
तहसीलदार प्रतीक्षा तेजनकर यांच्या कार्यकाळात आतापर्यंत रिसोड तालुक्यात जप्त करण्यात आलेल्या १८४ ब्रास रेतीचा साठा ११२ घरकुल लाभार्थ्यांना मोफत वाटप करण्यात आला आहे. अवैध गौण खनिज साठ्याविरुद्ध कठोर भूमिका आणि गरजूंना थेट मदत या दुहेरी उद्दिष्टांमुळे महसूल प्रशासनाची कारवाई कौतुकास्पद ठरत आहे.
अवैध गौण खनिज साठ्यावर कठोर कारवाई करतानाच जप्त केलेल्या रेतीचा सामाजिक उपयोग करून प्रशासनाने नागरिकाभिमुख शासनाचे उदाहरण घालून दिले आहे.
👉 वाचा संबंधित बातम्या
- खापरखेड रेती घाटावर नियमांना तिलांजली! पोकलॅंडच्या साह्याने अवैध उत्खनन; महसूल विभागाच्या भूमिकेवर संशय
- अपर आयुक्तांचा धडक आदेश! कलम 39(1) अंतर्गत येवतीच्या सरपंचांना थेट अपात्र घोषित
- मोजणी काम ठप्प! भूमी अभिलेख कर्मचाऱ्यांचे राज्यव्यापी आंदोलन; २ मार्चपासून बेमुदत संपाचा इशारा
📢 तुमच्या भागातील बातमी आम्हाला पाठवा
स्थानिक समस्या, प्रशासनिक निर्णय किंवा सामाजिक उपक्रमाबाबत माहिती असल्यास Kattanews.in ला जरूर पाठवा.
