शेगाव | १७ फेब्रुवारी २०२६
जमीन मोजणी काम बंद होण्याची शक्यता निर्माण झाली आहे.
Maharashtra land survey strike मुळे नागरिकांच्या जमिनीच्या नोंदी,
मोजणी, नकाशे व मालमत्ता संबंधित कामांवर परिणाम होऊ शकतो.
भूमी अभिलेख कर्मचारी कृती समिती महाराष्ट्र राज्यच्या नेतृत्वाखाली
राज्यभर आंदोलनाची रूपरेषा जाहीर करण्यात आली आहे.
या पार्श्वभूमीवर बुलढाणा जिल्ह्यातील शेगाव येथे जिल्हास्तरीय आढावा बैठक घेण्यात आली.
या बैठकीला जिल्ह्यातील सर्व भूमी अभिलेख कर्मचारी मोठ्या संख्येने उपस्थित होते.
भूमी अभिलेख विभागातील भूकरमापक हे विभागाचे कणा मानले जातात.
जमिनीची मोजणी, सीमांकन, नकाशे तयार करणे आणि शासकीय नोंदी अद्ययावत ठेवणे
ही अत्यंत तांत्रिक स्वरूपाची जबाबदारी त्यांच्यावर असते.
भूकरमापक पदासाठी अभियांत्रिकी पदवी किंवा पदविका आवश्यक असताना,
इतर विभागांमध्ये तांत्रिक वेतनश्रेणी लागू आहे; मात्र भूमी अभिलेख विभागात
अजूनही लिपिक वर्गीय वेतन दिले जाते. न्यायाधिकरणाने कर्मचाऱ्यांच्या बाजूने निर्णय
दिल्यानंतरही शासनाने तांत्रिक वेतन लागू न केल्याने कर्मचाऱ्यांमध्ये तीव्र नाराजी आहे.
कर्मचाऱ्यांनी आंदोलनाची रूपरेषा जाहीर केली असून १८ फेब्रुवारी २०२६ रोजी मोजणी साहित्य
कार्यालयात जमा करून काळ्या फिती लावून कामकाज करण्यात येणार आहे.
२० फेब्रुवारीपासून मोजणी काम बंद ठेवले जाईल, २३ ते २६ फेब्रुवारीदरम्यान
सामूहिक रजा घेण्यात येणार आहे, तर २७ फेब्रुवारी रोजी पुणे येथील जमाबंदी आयुक्त
कार्यालयावर आक्रोश मोर्चा काढण्यात येणार आहे.
मागण्या मान्य न झाल्यास २ मार्चपासून राज्यभर बेमुदत संप पुकारण्यात येईल,
असा इशारा कर्मचाऱ्यांनी दिला आहे. या आंदोलनामुळे जमीन मोजणी, सीमांकन,
मालमत्ता नोंदी, नकाशे अद्ययावत करणे तसेच शेती व बांधकाम संबंधित व्यवहारांवर
परिणाम होण्याची शक्यता व्यक्त केली जात आहे.
या बैठकीसाठी रमेश सरकटे, गजानन इंगळे, श्रीमती दीपाली मुरकुटे,
किशोर इंगळे, विजय चव्हाण, अभय पाटील, अनिल दांडगे तसेच
बुलढाणा जिल्ह्यातील भूमी अभिलेख विभागातील कर्मचारी मोठ्या संख्येने उपस्थित होते.
📢 नागरिकांसाठी सूचना : जमीन मोजणी, सीमांकन किंवा मालमत्ता नोंदींची कामे प्रलंबित असल्यास ती तातडीने पूर्ण करून घ्यावीत.
👉 हे पण वाचा :
• मागेल त्याला सोलारपंप योजनेचा बोजवारा! ऑनलाईन अर्जाच्या गोंधळात साखरखेर्ड्यात शेकडो शेतकऱ्यांचे लाखो रुपये अडकले
• खापरखेड रेती घाटावर नियमांना तिलांजली! पोकलॅंडच्या साह्याने अवैध उत्खनन; महसूल विभागाच्या भूमिकेवर संशय
• जमीन मोजणी प्रक्रिया – नागरिकांनी काय जाणून घ्यावे?
📲 अपडेट्ससाठी भेट द्या : Kattanews.in
