Advertisement
बुलढाणा |२१ जानेवारी २०२६
ग्राहक हक्क, महिला ग्राहक संरक्षण आणि ग्राहक फसवणूक या मुद्द्यांवर बुलढाणा जिल्ह्यात महिलांची ताकद अधिक मजबूत झाली आहे. ग्राहक उपभोक्ता संरक्षण समितीच्या महिला बुलढाणा जिल्हाध्यक्षपदी सामाजिक क्षेत्रात कार्यरत असलेल्या वर्षाताई सुनिल इंगळे यांची नियुक्ती करण्यात आली आहे. ही निवड भारत सरकार नोंदणीकृत माणुसकी सोशल व ग्राहक संरक्षण फाउंडेशनमार्फत करण्यात आली असून त्यामुळे जिल्ह्यातील महिला ग्राहकांच्या हक्कांना नवे बळ मिळाले आहे.
लोणार तालुक्यातील बीबी येथील माजी पंचायत समितीच्या सभापती असलेल्या वर्षाताई इंगळे या सामाजिक कार्यासाठी ओळखल्या जातात. राष्ट्रीय अध्यक्ष दादासाहेब केदारे आणि राष्ट्रीय सचिव डॉ. अविनाश झोटिंग यांनी दिनांक १९ जानेवारी रोजी त्यांना अधिकृत निवडपत्र प्रदान केले.ग्राहक उपभोक्ता संरक्षण समिती ही संपूर्ण देशभर कार्यरत असून ग्राहकांची फसवणूक रोखणे, त्यांना न्याय मिळवून देणे आणि त्यांच्या हक्कांविषयी जनजागृती करणे हे या संस्थेचे मुख्य उद्दिष्ट आहे.निवडीनंतर प्रतिक्रिया देताना वर्षाताई इंगळे म्हणाल्या की, बुलढाणा जिल्ह्यात कृषी केंद्र, पेट्रोल पंप, बँका, मोबाईल दुकाने, कापड दुकाने अशा अनेक ठिकाणी ग्राहकांची, विशेषतः महिलांची मोठ्या प्रमाणात फसवणूक होत आहे. अशा सर्व तक्रारींवर गांभीर्याने दखल घेऊन संबंधित ग्राहकांना त्यांचे हक्क व न्याय मिळवून देण्यासाठी प्रभावी प्रयत्न केले जातील.महिला ग्राहकांची वाढती फसवणूक रोखण्यासाठी ठोस उपाययोजना राबवण्यात येतील तसेच जिल्हाभर महिलांमध्ये ग्राहक हक्कांबाबत व्यापक जनजागृती मोहीम राबवली जाईल, असेही त्यांनी स्पष्ट केले.या निवडीबद्दल विदर्भ अध्यक्ष सचिन खंडारे, विदर्भ पदाधिकारी सुनील अंभोरे, डॉ. गंगाराम उबाळे तसेच बुलढाणा जिल्हाध्यक्ष शालिकराम चव्हाण यांनी वर्षाताई इंगळे यांचे अभिनंदन केले आहे. त्यांच्या नियुक्तीमुळे बुलढाणा जिल्ह्यात ग्राहक संरक्षण चळवळीला नवी दिशा मिळेल, अशी अपेक्षा व्यक्त करण्यात येत आहे.
📢 Katta News
तुमच्याही ग्राहक हक्कांची पायमल्ली होत आहे का?
आजच तुमची बातमी, तक्रार किंवा सामाजिक प्रश्न Kattanews.in पर्यंत पोहोचवा.
सत्य, आवाज आणि न्यायासाठी कट्टा न्यूज!
