देऊळगाव राजा |२० जानेवारी २०२६
देऊळगाव राजा तालुक्यात भरधाव टिप्पर अपघात आणि त्यानंतर झालेल्या लोखंडी रॉड हल्ल्याने परिसरात खळबळ उडाली आहे. निष्काळजीपणे टिप्पर चालवत दुचाकीस्वारास कट मारून जखमी करण्यात आले. अपघातानंतर जाब विचारताच टिप्पर चालकाने थेट लोखंडी रॉडने डोक्यात मारहाण केल्याची गंभीर घटना १६ जानेवारी रोजी घडली. या प्रकरणी देऊळगाव राजा पोलिसांनी आरोपीविरुद्ध गुन्हा दाखल केला आहे.
आरोपी पंकज संजय कदम (रा. मंडपगाव) याने त्याच्या ताब्यातील टिप्पर क्रमांक एमएच २८ बीबी ७८६४ भरधाव व निष्काळजीपणे चालवत फिर्यादीच्या दुचाकीस कट मारला. त्यामुळे गोपाल देशमुख हे रस्त्यावर पडून जखमी झाले.
👉 विशेष जाहिरात | अधिक माहितीसाठी क्लिक करा
अपघातानंतर जाब विचारताच आरोपीने संतापाच्या भरात लोखंडी रॉडने डोक्यात मारहाण करत गंभीर जखमी केले. इतकेच नव्हे तर भांडण सोडविण्यासाठी आलेल्या नागरिकांनाही आरोपीने ढकलाढकली करत त्यांचे कपडे फाडल्याचे तक्रारीत नमूद आहे.
या घटनेनंतर परिसरात तणावाचे वातावरण निर्माण झाले होते. देऊळगाव राजा पोलिसांनी तत्काळ घटनास्थळी धाव घेत आरोपीविरुद्ध विविध कलमान्वये गुन्हा दाखल केला असून पुढील तपास ठाणेदार ब्रह्मा गिरी यांच्या मार्गदर्शनाखाली सुरू आहे.
👉 अशीच ताज्या गुन्हेगारी आणि स्थानिक बातम्यांसाठी KattaNews.in ला नियमित भेट द्या.
संबंधित बातम्या
