बुलढाणा |१८ मार्च २०२६
बुलढाणा जिल्ह्यातील ग्रामपंचायतींमध्ये रिक्त असलेल्या सरपंच व सदस्य पदांसाठी राज्य निवडणूक आयोगाने पोटनिवडणुकीचा कार्यक्रम जाहीर केला आहे. जिल्ह्यातील 13 तालुक्यांतील एकूण 59 ग्रामपंचायतींमध्ये ही निवडणूक होणार असून एप्रिल महिन्यात मतदान पार पडणार आहे.
राज्य निवडणूक आयोगाच्या घोषणेनुसार संबंधित ग्रामपंचायत क्षेत्रांमध्ये 17 मार्च 2026 पासून आदर्श आचारसंहिता लागू करण्यात आली आहे. निवडणुकीचा निकाल जाहीर होईपर्यंत ही आचारसंहिता प्रभावी राहणार आहे. या पार्श्वभूमीवर प्रशासनाकडून निवडणूक प्रक्रियेची तयारी सुरू करण्यात आली आहे.
👉 विशेष जाहिरात | अधिक माहितीसाठी क्लिक करा
या पोटनिवडणुकीसाठी उमेदवारांना 7 एप्रिल ते 13 एप्रिल 2026 दरम्यान नामनिर्देशन अर्ज दाखल करता येणार आहेत. त्यानंतर 15 एप्रिल रोजी अर्जांची छाननी करण्यात येणार असून 17 एप्रिल हा अर्ज माघारीचा अंतिम दिवस असेल.
निवडणुकीसाठी मतदान 28 एप्रिल 2026 रोजी सकाळी 7.30 ते सायंकाळी 5.30 या वेळेत होणार आहे. तर मतमोजणीची प्रक्रिया 29 एप्रिल रोजी पार पडणार आहे. या निवडणुकांमुळे जिल्ह्यातील ग्रामीण भागात राजकीय वातावरण तापण्याची शक्यता व्यक्त केली जात आहे.
जिल्हाधिकारी डॉ. किरण पाटील यांनी संबंधित ग्रामपंचायत क्षेत्रांमध्ये आदर्श आचारसंहितेचे काटेकोर पालन करण्याचे आवाहन नागरिकांना व राजकीय पक्षांना केले आहे.
🗳️ महत्त्वाच्या तारखा
- नामनिर्देशन अर्ज दाखल : 7 ते 13 एप्रिल 2026
- अर्ज छाननी : 15 एप्रिल 2026
- अर्ज माघार अंतिम दिनांक : 17 एप्रिल 2026
- मतदान : 28 एप्रिल 2026 (सकाळी 7.30 ते सायं 5.30)
- मतमोजणी : 29 एप्रिल 2026
📢 अधिक अपडेटसाठी
बुलढाणा जिल्ह्यातील ताज्या राजकीय, सामाजिक आणि ब्रेकिंग बातम्यांसाठी Kattanews.in ला नियमित भेट द्या.
Related News
- मनाई हुकूम असतानाही बांधकाम; मेहकर नगरपालिकेचे मुख्याधिकारी व ठाणेदारांना कोर्टाची नोटीस
- लोणारमध्ये कंत्राटदारांची मोठी फसवणूक उघड; बनावट शिक्क्यांद्वारे लाखोंचा घोटाळा, 5 आरोपी अटकेत
- मेहकर बायपासवरील ‘हॉटेल एकांत’मध्ये देहव्यापाराचा पर्दाफाश; पोलिसांच्या छाप्यात दोन महिलांची सुटका
