खामगाव |२१ जानेवारी २०२६
खामगाव-अकोला महामार्गावर झालेल्या भीषण रस्ता अपघाताने एकाच क्षणात आनंदावर विरजण घातले. भरधाव ट्रकने कारला मागून धडक दिल्याने झालेल्या या अपघातात तरुणाचा दुर्दैवी मृत्यू झाला असून तीन जण गंभीर जखमी झाले आहेत. हा खामगाव अपघात सुदर्शन ढाब्याजवळ १९ जानेवारीच्या रात्री घडला. मृतक व जखमी हे खामगाव शहरातील बर्डे प्लॉट परिसरातील रहिवासी आहेत.
मिळालेल्या माहितीनुसार, बर्डे प्लॉट येथील इकबाल खान उर्फ राजू कासम खान, शेख समीर शेख अनिस, नाफे खान वकार खान आणि मोहम्मद फैजान मोहम्मद निसाद हे चौघेजण एम.एच. ०४ डब्ल्यू ७५५२ क्रमांकाच्या इनोव्हा कारने अकोल्याकडे जात होते. यावेळी समोरून येणाऱ्या जी.जे. १३ ए.टी. ८७७७ क्रमांकाच्या भरधाव ट्रकने ओव्हरटेक करताना कारला जोरदार धडक दिली.
👉 विशेष जाहिरात | अधिक माहितीसाठी क्लिक करा
धडकेचा जोर इतका भीषण होता की कारचा अक्षरशः चेंदामेंदा झाला. या अपघातात शेख समीर शेख अनिस या तरुणाचा जागीच मृत्यू झाला. तर उर्वरित तिघे जण गंभीर जखमी झाले असून त्यापैकी इकबाल खान आणि नाफे खान यांची प्रकृती चिंताजनक असल्याचे समजते.
जखमी तिघांना तातडीने खामगाव येथील शासकीय रुग्णालयात दाखल करण्यात आले. मात्र प्रकृती गंभीर असल्याने दोघांना पुढील उपचारासाठी अकोला येथील रुग्णालयात हलविण्यात आले आहे. अपघाताची माहिती मिळताच पोलिसांनी घटनास्थळी धाव घेत पंचनामा केला.
खामगाव-अकोला महामार्गावर सातत्याने होणारे अपघात, भरधाव वाहने आणि ओव्हरटेकची स्पर्धा यामुळे नागरिकांमध्ये तीव्र संताप व्यक्त होत आहे. प्रशासनाने तात्काळ कठोर उपाययोजना कराव्यात, अशी मागणी होत आहे.
🚨 KattaNews.in वर ताज्या बातम्यांसाठी आम्हाला Follow करा
अशाच ब्रेकिंग, स्थानिक आणि वास्तव बातम्या सर्वात आधी वाचण्यासाठी KattaNews.in ला नियमित भेट द्या.
🔗 Related News
