मुख्यमंत्र्यांकडे निवेदन! सिंदखेडराजा विकास आराखड्यात वीररत्न जिवाजी महाले यांचा पूर्णाकृती पुतळा बसवण्याची मागणी

सिंदखेडराजा ही राष्ट्रमाता जिजाऊ माँसाहेब यांची जन्मभूमी असून छत्रपती शिवाजी महाराजांचे आजोळ म्हणून ओळखली जाते. याच पवित्र भूमीत सर्व जाती-धर्मांना सोबत घेऊन हिंदवी स्वराज्याची मुहूर्तमेढ रोवली गेली. अशा ऐतिहासिक शहरात वीररत्न जिवाजी महाले यांचा पूर्णाकृती पुतळा उभारणे हे इतिहासाला न्याय देणारे ठरेल, असे निवेदनात नमूद करण्यात आले आहे.

सिंदखेडराजा विकास आराखड्यांतर्गत नाव्हा रोड – देऊळगावराजा रोड परिसरात हा पुतळा उभारावा, अशी मागणी नाभिक समाजाच्या वतीने करण्यात आली आहे.

हे पण वाचा..

सिंदखेडराजा पंचायत समितीतील अनागोंदी कारभार चव्हाट्यावर; कर्मचारी कार्यालयाऐवजी बाहेरच अधिक दिसतात!

या निवेदनावर जिल्हाध्यक्ष हरिदास जाधव, जिल्हा मुख्य सचिव डॉ. प्रकाश सवडतकर, तालुकाध्यक्ष विलास चित्रे, शहराध्यक्ष प्रदीप जाधव, तालुका उपाध्यक्ष शिवाजी जाधव, विजय बाबडे, शिवानंद वैद्य, गजानन राऊत, विष्णू वैद्य, राम राऊत, रामेश्वर जाधव यांच्यासह समस्त नाभिक समाजाच्या स्वाक्षऱ्या आहेत.