गोरेगाव ग्रामपंचायत भ्रष्टाचार प्रकरणी आमरण उपोषणाची सांगता; गटविकास अधिकाऱ्यांचे ठोस आश्वासन

सिंदखेडराजा पंचायत समितीचे वर्ग-१ संवर्ग विकास अधिकारी अजित कुमार बांगर हे आपल्या पथकासह गोरेगाव येथे दाखल झाले. यावेळी ठाणेदार गजानन करेवाड यांनी उपोषणकर्त्यांची प्रकृती व परिस्थितीचे गांभीर्य अधिकाऱ्यांच्या निदर्शनास आणून दिले.

गटविकास अधिकारी अजित कुमार बांगर यांनी ग्रामविकास अधिकाऱ्याची तात्काळ बदली, तसेच ग्रामपंचायतमधील गैरप्रकारांची विविध स्तरांवर चौकशी करण्याचे ठोस आश्वासन दिल्यानंतर उपोषणकर्त्यांनी निंबू-पाणी पिऊन उपोषण सोडले.

यावेळी जेष्ठ नागरिक व माजी उपसरपंच भिकाजी पाटील, जेष्ठ पत्रकार प्रा. दिलीप नाईकवाड, माजी प्राचार्य व जेष्ठ पत्रकार डी.एन. पांचाळ, पत्रकार भगवानराव देशमुख, संभाजी ब्रिगेडचे तालुका अध्यक्ष विजय देशमुख,विस्तार अधिकारी राजेश्वर पवार, ग्रामविकास अधिकारी उध्दव गायकवाड, अशोक बुरकुल, अविनाश नागरे, उपसरपंच अख्तरखान पठाण, तंटामुक्ती अध्यक्ष खुशालराव पांचाळ, माजी सरपंच कडुबा गवई यांच्यासह अनेक ग्रामस्थ उपस्थित होते.

नितीन रमेश पंचाळ, जीवन गजानन पंचाळ, गजानन डिगांबर पंचाळ, अमोल संजय पंचाळ या युवकांनी यापूर्वी ऑक्टोबर महिन्यातही उपोषण केले होते. मात्र त्या वेळी दिलेल्या आश्वासनांची अंमलबजावणी न झाल्याने पुन्हा आंदोलनाचा मार्ग स्वीकारण्यात आला होता.

हे पण वाचा..

दिवाळी गेली, मदत नाही! राहेरी बु. येथील शेतकरी अतिवृष्टीच्या मदतीपासून वंचित

ग्रामपंचायत अधिकारी व सरपंच यांनी सुमारे १ लाख ६० हजार रुपयांचा अपहार केल्याचे प्रथमदर्शनी निदर्शनास आले असून, त्यांच्यावर कारवाईसाठी प्रस्ताव मुख्य कार्यकारी अधिकारी, जिल्हा परिषद बुलढाणा यांच्याकडे सादर करण्यात आल्याची माहिती गटविकास अधिकारी अजित कुमार बांगर यांनी दिली.

संबंधित बातमी:

गोरेगावमध्ये ग्रामपंचायत भ्रष्टाचाराचा आरोप; ५ युवकांचे बेमुदत उपोषण सुरू

हे आवश्यक करा

तुमच्या गावातील समस्या, भ्रष्टाचार किंवा प्रशासनाच्या हलगर्जीपणाची बातमी आम्हाला पाठवा – Kattanews.in