रिसोड, वाशिम प्रतिनिधी|२६ मार्च २०२६
महाराष्ट्रातील State Bank of India (SBI) रिसोड शाखा पुन्हा एकदा वादाच्या भोवऱ्यात सापडली आहे. SBI रिसोड शाखेत ग्राहकांना तासन्तास रांगेत उभे ठेवले जात असल्याचा आरोप होत असून, अधिकाऱ्यांचा निष्क्रिय आणि उदासीन कारभार उघडकीस आला आहे. SBI रिसोड शाखेत ग्राहकांशी गैरवर्तन होत असल्यामुळे नागरिकांचा संताप शिगेला पोहोचला आहे.
ग्राहकांच्या म्हणण्यानुसार, संतोष सावंत नावाचे अधिकारी काम करण्याऐवजी मोबाईलवर बोलण्यात व्यस्त असतात. SBI रिसोड शाखेत कोणतेही काम घेऊन गेल्यास मुद्दाम टाळाटाळ केली जाते, असा आरोप नागरिकांनी केला आहे.
👉 विशेष जाहिरात | अधिक माहितीसाठी क्लिक करा
विशेषतः वारसदारांच्या खात्यातील पैसे मिळवण्यासाठी नागरिकांना अनेक वेळा बँकेत फेऱ्या माराव्या लागतात. मात्र, SBI रिसोड शाखेकडून समाधानकारक उत्तर दिले जात नसल्याने ग्राहक त्रस्त झाले आहेत.
चालू खाते उघडण्याच्या प्रक्रियेत तर अधिक गंभीर प्रकार समोर आले आहेत. SBI रिसोड शाखेत खाते उघडण्यासाठी १ ते २ महिने वेळ लावला जातो, त्यानंतर अचानक त्रुटी काढून प्रक्रिया पुन्हा लांबवली जाते. काही वेळा “₹५०,००० चे खातेच उघडतो” असे चुकीचे नियम सांगून ग्राहकांची दिशाभूल केली जाते.
एका प्रकरणात तर ग्राहकाला खाते उघडण्यासाठी ७ सदस्यांचे पॅन कार्ड, आधार कार्ड आणि ७ जणांची खाती आवश्यक असल्याचे सांगण्यात आले. हा नियम बँकेच्या अधिकृत प्रक्रियेत नसल्याचा आरोप करण्यात आला आहे.
यापूर्वी पातूर शाखेत कार्यरत असतानाही संबंधित अधिकाऱ्यावर अशाच तक्रारी झाल्याची माहिती समोर आली आहे. त्यामुळे हा प्रकार सातत्याने सुरू असल्याचे स्पष्ट होते.
ग्राहकांनी शाखा व्यवस्थापकांकडे तक्रार केली असता, आक्रमक उत्तर मिळत असल्याचा आरोप आहे. काही वेळा ग्राहकांवरच चिडून बोलले जाते, तर वरिष्ठ अधिकारी फोन उचलत नसल्याचीही तक्रार आहे.
दरम्यान, शाखा व्यवस्थापक पॉलिसी विक्रीत व्यस्त असल्यामुळे मूलभूत सेवांकडे दुर्लक्ष होत असल्याचे चित्र आहे.
“आम्ही सेवा घेण्यासाठी येतो की त्रास सहन करण्यासाठी?” असा संतप्त सवाल नागरिक उपस्थित करत आहेत. या सर्व प्रकारामुळे SBI रिसोड शाखेविरोधात तीव्र नाराजी व्यक्त होत असून, संबंधित अधिकाऱ्यांवर तात्काळ कारवाई करण्याची मागणी होत आहे.
इतक्या तक्रारी असूनही प्रशासन गप्प का? हा मोठा प्रश्न उपस्थित होत आहे.
👉 Related News:
- उसने दिलेले पैसे मागितले आणि घडली भीषण घटना! महिलेवर बलात्कार करून हत्या; आरोपीला जन्मठेप
- रिसोडमध्ये धक्कादायक घटना! १७ वर्षीय युवतीची आत्महत्या; कारण अद्याप अस्पष्ट
- ग्राहक हक्कांविषयी जाणून घ्या महत्त्वाची माहिती
👉 वाचा, शेअर करा आणि आपले मत नक्की कळवा! व kattanews.in ला नियमित भेट द्या.
