बाळापूर पोलीस ठाण्यात दाखल झालेल्या या गंभीर गुन्ह्यामुळे परिसरात मोठी खळबळ उडाली होती. आरोपींनी स्वतःला CBI अधिकारी असल्याचे सांगून व्यापाऱ्याला धमकावले आणि त्याच्याकडील मोठी रक्कम बळजबरीने ताब्यात घेतली होती. घटनेनंतर पीडित व्यापाऱ्याने तातडीने पोलिसांकडे धाव घेत तक्रार दाखल केली.
गुन्ह्याचे गांभीर्य लक्षात घेऊन पोलीस अधीक्षक अर्चित चांडक यांनी स्थानिक गुन्हे शाखेला तातडीने तपासाचे आदेश दिले. त्यानुसार पोलीस निरीक्षक नितीन लेव्हरकर यांच्या नेतृत्वाखाली विशेष तपास पथकाची स्थापना करण्यात आली. या पथकात तीन अधिकारी आणि 20 कर्मचाऱ्यांचा समावेश होता.
👉 विशेष जाहिरात | अधिक माहितीसाठी क्लिक करा
तपासादरम्यान खामगाव-बाळापूर मार्गावरील सुमारे 50 सीसीटीव्ही कॅमेऱ्यांचे बारकाईने निरीक्षण करण्यात आले. तांत्रिक विश्लेषण, डिजिटल पुरावे आणि गोपनीय माहितीच्या आधारे पोलिसांनी आरोपींचा माग काढला. अवघ्या 12 तासांच्या अथक प्रयत्नांनंतर आरोपींची ओळख निश्चित करण्यात यश आले.
या प्रकरणात हार्दिक मनोजकुमार गुरबानी (वय 22, रा. सिंधी कॉलनी, खामगाव) आणि साहिल नंदकिशोर नय्थानी (वय 25, रा. बीएचआर नगर, खामगाव) यांना अटक करण्यात आली आहे. दोघांनाही खामगाव येथून ताब्यात घेण्यात आले.
पोलिसांनी आरोपींकडून गुन्ह्यातील संपूर्ण 25 लाख रुपयांची रोख रक्कम, फिर्यादीचा मोबाईल फोन, दोन दुचाकी आणि इतर साहित्य असा एकूण 27.50 लाख रुपयांचा मुद्देमाल जप्त केला आहे. त्यामुळे पीडित व्यापाऱ्याला मोठा दिलासा मिळाला आहे.
या उल्लेखनीय कामगिरीबद्दल पोलीस अधीक्षक अर्चित चांडक यांनी स्थानिक गुन्हे शाखेच्या पथकाला 25 हजार रुपयांचे बक्षीस जाहीर केले आहे. गुन्ह्याचा पुढील तपास बाळापूर पोलीस करीत आहेत.
दरम्यान, नागरिकांनी स्वतःला केंद्रीय तपास यंत्रणा, पोलीस किंवा सरकारी अधिकारी म्हणून ओळख सांगणाऱ्या अनोळखी व्यक्तींवर सहज विश्वास ठेवू नये आणि कोणतीही शंका आल्यास तातडीने स्थानिक पोलिसांशी संपर्क साधावा, असे आवाहन करण्यात आले आहे.
Related News
- खामगाव परिसरातील वाढत्या फसवणूक प्रकरणांमुळे नागरिकांमध्ये चिंता
- बुलढाणा जिल्ह्यातील गुन्हेगारीवर पोलिसांची विशेष मोहीम
- ऑनलाइन फसवणुकीपासून बचावासाठी पोलिसांचे मार्गदर्शन
हे आवश्यक करा..
अशाच बुलढाणा, खामगाव, बाळापूर आणि महाराष्ट्रातील ताज्या, विश्वासार्ह व सर्वात वेगवान बातम्यांसाठी KattaNews.in ला नियमित भेट द्या. आपल्या मित्र-परिवारासोबत ही बातमी शेअर करा.
