Advertisement
रामदास कहाळे/प्रतिनिधी
साखरखेर्डा आत्महत्या प्रकरणाने संपूर्ण परिसरात शोककळा पसरली आहे. साखरखेर्डा येथे ३० वर्षीय मोटारसायकल मॅकनिक शाम अवचार यांनी आत्महत्या केल्याची घटना मंगळवार, २४ डिसेंबर रोजी दुपारी चारच्या सुमारास उघडकीस आली.साखरखेर्डा आत्महत्या या घटनेमुळे नागरिकांमध्ये हळहळ व्यक्त होत असून नेमके कारण अद्याप स्पष्ट झालेले नाही.मृतक शाम जयराम अवचार हा साखरखेर्डा येथील महात्मा ज्योतिबा फुले नगर परिसरात राहत होता. तो मोटारसायकल मॅकनिक म्हणून काम करत असून हातात कौशल्य असल्याने त्याचा व्यवसाय चांगला सुरू होता.अनेक ग्राहक त्याच्याशी जोडले गेले होते.मात्र, दुपारी अचानक तो साखरखेर्डा ते लव्हाळा रोडलगत असलेल्या माजी सरपंच चंद्रशेखर शुक्ल यांच्या शेतातील क्रिकेट खेळण्याच्या जागेवर गेला. तेथील लिंबाच्या झाडाला दोर बांधून त्याने गळफास घेतल्याची माहिती समोर आली आहे.रस्त्याने जाणाऱ्या नागरिकांच्या लक्षात ही घटना आल्यानंतर त्यांनी तत्काळ युवकाला खाली उतरवून पाहिले; मात्र तोपर्यंत त्यांची प्राणज्योत मालवली होती. या घटनेमुळे साखरखेर्डा गावात शोकमय वातावरण निर्माण झाले आहे.घटनेची माहिती मिळताच साखरखेर्डा पोलीस स्टेशनचे पीएसआय गणेश डोईफोडे, बिट जमादार बाजीराव खरात यांनी घटनास्थळी भेट देऊन पंचनामा केला.मृतदेह उत्तरीय तपासणीसाठी सिंदखेड राजा येथे पाठविण्यात आला आहे.मृतकाचा मामेभाऊ विजय हरिभाऊ जैवळ यांच्या तक्रारीवरून या प्रकरणी मर्ग दाखल करण्यात आला असून पोलीस अधिक तपास करीत आहेत.
📌 हे पण वाचा..
👉 वाचकांसाठी आवाहन
अशा दुर्दैवी घटनांबाबत तुमचे मत काय? खाली कमेंट करून प्रतिक्रिया द्या. स्थानिक, विश्वासार्ह आणि ब्रेकिंग मराठी बातम्यांसाठी KattaNews.in ला दररोज भेट द्या.
