देऊळगाव राजा | समाधान सरकटे
बुलढाणा जिल्ह्यातील देऊळगाव राजा तालुक्यातील मेहुनाराजा येथे एका ७२ वर्षीय वृद्धाने गळफास घेऊन आत्महत्या केल्याची दुर्दैवी घटना समोर आली आहे. गुरुवारी (२९ मे) ही घटना उघडकीस आल्यानंतर परिसरात हळहळ व्यक्त करण्यात येत आहे. आत्महत्येमागील कारण अद्याप स्पष्ट झाले नसून देऊळगाव राजा पोलिसांकडून पुढील तपास सुरू आहे.
मिळालेल्या माहितीनुसार, मेहुनाराजा येथील रहिवासी तुकाराम महादू कदम (वय ७२) यांनी आपल्या राहत्या घरासमोरील अंगणात टिनपत्राच्या शेडला आधार देणाऱ्या लाकडी बल्लीस दोरी बांधून गळफास घेतला. ही घटना २९ मे रोजी पहाटे ३ वाजण्यापूर्वी घडल्याचा प्राथमिक अंदाज व्यक्त करण्यात येत आहे.
घटनेची माहिती मिळताच परिसरातील नागरिकांनी घटनास्थळी धाव घेतली. त्यानंतर पोलिसांना याबाबत माहिती देण्यात आली. मृताचे पुत्र मुकुंदराव तुकाराम कदम (वय ४२) यांनी देऊळगाव राजा पोलीस ठाण्यात याबाबत माहिती दिली.
त्यांच्या तोंडी फिर्यादीवरून पोलिसांनी अकस्मात मृत्यूची नोंद करून मर्ग क्रमांक २३/२०२६ कलम १९४ बीएनएसएस अंतर्गत प्रकरण दाखल केले आहे. घटनेची नोंद पोलीस हेड कॉन्स्टेबल नायबराव मोगल यांनी केली असून पुढील तपास पोलीस हेड कॉन्स्टेबल शरद साळवे करीत आहेत.
दरम्यान, आत्महत्येमागील नेमके कारण अद्याप समोर आलेले नाही. पोलिसांकडून सर्व बाबींची चौकशी करण्यात येत असून तपासानंतर अधिक माहिती स्पष्ट होणार आहे.
वाचकांसाठी महत्त्वाचे : मानसिक तणाव, नैराश्य किंवा आत्महत्येचे विचार येत असल्यास त्वरित कुटुंबीय, मित्र किंवा तज्ज्ञ समुपदेशकांची मदत घ्या. योग्य वेळी मिळालेली मदत जीव वाचवू शकते.
Related News
- रेती चोरीवर पोलिसांची धडक कारवाई; ४१ लाखांचा मुद्देमाल जप्त, दोन टिप्पर ताब्यात
- आईच्या अंत्यसंस्काराआधीच प्रॉपर्टीसाठी मुलींचा गोंधळ; पोलिस संरक्षणात पार पडला अंत्यविधी
- सिंदखेडराजात रेशन धान्य वाटपावर प्रश्नचिन्ह; तीन महिन्यांपासून धान्य मिळत नसल्याची नागरिकांची तक्रार
हे आवश्यक करा… बुलढाणा जिल्ह्यासह विदर्भातील ताज्या, विश्वासार्ह आणि सर्वात आधी अपडेट्ससाठी Kattanews.in ला नियमित भेट द्या.
