रेती चोरीवर पोलिसांची धडक कारवाई; ४१ लाखांचा मुद्देमाल जप्त, दोन टिप्पर ताब्यात

कारवाईदरम्यान पोलिसांनी दोन टिप्पर वाहने अडवून त्यांची तपासणी केली. यामध्ये टिप्पर क्रमांक NL-01-AD-4434 तसेच अशोक लेलॅन्ड कंपनीचा टिप्पर क्रमांक MH-28-BB-4099 यांचा समावेश होता. दोन्ही वाहनांमध्ये कोणतीही वैध परवानगी नसताना रेतीची वाहतूक केली जात असल्याचे प्राथमिक तपासात समोर आले.

👉 विशेष जाहिरात | अधिक माहितीसाठी क्लिक करा

पोलिसांनी केलेल्या पंचनाम्यानुसार एका टिप्परमध्ये सुमारे ४ ब्रास तर दुसऱ्या टिप्परमध्ये सुमारे २ ब्रास गौण खनिज रेती आढळून आली. दोन्ही वाहने आणि रेतीसह जप्त करण्यात आलेल्या मुद्देमालाची एकूण किंमत अंदाजे ४० लाख ६० हजार रुपये असल्याची माहिती पोलिसांकडून देण्यात आली.

या प्रकरणी संबंधित आरोपींविरुद्ध भारतीय न्याय संहिता कलम ३०३(२), ३(५) तसेच खाण व खनिज (नियमन व विकास) अधिनियम १९५७ मधील कलम २१(१) आणि २१(२) अन्वये साखरखेर्डा पोलीस ठाण्यात गुन्हा दाखल करण्यात आला आहे. पुढील तपास पोलीस प्रशासनाकडून सुरू आहे.

दरम्यान, या कारवाईमुळे अवैध रेती उत्खनन आणि वाहतुकीचा प्रश्न पुन्हा ऐरणीवर आला आहे. रेती उत्खनन आणि वाहतुकीवर नियंत्रण ठेवण्याची जबाबदारी मुख्यत्वे महसूल विभागाची असताना इतक्या मोठ्या प्रमाणावर अवैध वाहतूक सुरूच कशी राहिली, असा प्रश्न स्थानिक नागरिकांकडून उपस्थित केला जात आहे.

पोलिसांनी तातडीने कारवाई करत मोठा मुद्देमाल जप्त केला असला तरी अवैध रेती व्यवसायाला कोणाचे संरक्षण मिळत आहे का, तसेच महसूल यंत्रणा या प्रकारांकडे दुर्लक्ष करत आहे का, याबाबतही चर्चा रंगू लागली आहे. त्यामुळे या प्रकरणाचा तपास पुढे कोणत्या दिशेने जातो याकडे सर्वांचे लक्ष लागले आहे.

वाचकांसाठी आवाहन

आपल्या परिसरातील महत्त्वाच्या घडामोडी, प्रशासनातील अनियमितता, सामाजिक प्रश्न किंवा विशेष बातम्या आमच्यापर्यंत पोहोचवण्यासाठी Kattanews.in शी संपर्क साधा. सत्य आणि विश्वासार्ह पत्रकारितेसाठी आम्ही कटिबद्ध आहोत.

संबंधित बातम्या

• धक्कादायक! मृत घोषित केलेली शिवानी जिवंत; राजुरा शिरविरहित मृतदेह प्रकरणाला मोठे नाट्यमय वळण
• सिंदखेडराजात रेशन धान्य वाटपावर प्रश्नचिन्ह; तीन महिन्यांपासून धान्य मिळत नसल्याची नागरिकांची तक्रार
• चिखलीत वन विभाग ‘ॲक्शन मोड’मध्ये; मेरा बुद्रुकमध्ये लाखोंचा अवैध लाकूड साठा जप्त