जानेफळ | प्रतिनिधी : कट्टा न्यूज
बुलढाणा जिल्ह्यातील जानेफळ येथे अज्ञात चोरट्यांनी एकाच रात्री दोन ज्वेलर्स दुकाने फोडून 1 लाख 43 हजार रुपये किमतीचे चांदीचे दागिने लंपास केल्याची धक्कादायक घटना समोर आली आहे. मुख्य रस्त्यालगत असलेल्या या दोन्ही दुकानांमध्ये चोरी झाल्याने व्यापाऱ्यांमध्ये भीतीचे वातावरण निर्माण झाले असून पोलिसांनी गुन्हा दाखल करून तपासाची चक्रे वेगाने फिरवली आहेत.
👉 विशेष जाहिरात | अधिक माहितीसाठी क्लिक करा
या प्रकरणी दुकान मालक दीपक आग्रोया आणि हिम्मतराव आवले यांनी दिलेल्या तक्रारीवरून अज्ञात चोरट्यांविरुद्ध गुन्हा दाखल करण्यात आला आहे. घटनेचे गांभीर्य लक्षात घेऊन पोलिसांनी ठसे तज्ज्ञ, फॉरेन्सिक पथक आणि श्वानपथकाला घटनास्थळी पाचारण केले.
उपविभागीय पोलीस अधिकारी संतोष खाडे यांनी घटनास्थळी भेट देऊन तपासाचा आढावा घेतला. पुढील तपास ठाणेदार शरद माळी यांच्या मार्गदर्शनाखाली सुरू असून चोरट्यांचा शोध घेण्यासाठी विविध पथके कार्यरत आहेत.
एकाच रात्री दोन ज्वेलर्स दुकाने फोडल्यामुळे परिसरातील व्यापाऱ्यांमध्ये असुरक्षिततेची भावना निर्माण झाली आहे. बाजारपेठेत सीसीटीव्ही यंत्रणा अधिक सक्षम करण्याबरोबरच रात्रीची गस्त वाढविण्याची मागणी स्थानिक व्यापाऱ्यांकडून केली जात आहे.
👉 Kattanews.in वाचा, सत्य आणि वेगवान बातम्यांसाठी कायम जोडलेले रहा.
स्थानिक, गुन्हे, राजकीय, शेती, रोजगार, सरकारी योजना आणि ब्रेकिंग न्यूजचे सर्वात जलद अपडेट्स मिळवण्यासाठी Kattanews.in ला नियमित भेट द्या आणि आपल्या मित्र-परिवारासोबत ही बातमी शेअर करा.
संबंधित बातम्या
