KattaNews नवीन जाहिरात KattaNews जाहिरात KattaNews जाहिरात
हवामानबाजारभावशासन निर्णयनिवडणूकक्राईमनोकरीयोजनाफायनान्सलाइफस्टाइलगुंतवणूकऑटोएआयखेळआध्यात्मिकसिनेमा

चिखली तालुक्यात बिबट्याचा धुमाकूळ! संरक्षण जाळीखालून गोठ्यात शिरकाव; १२ बकऱ्यांचा फडशा, शेतकऱ्याचे २ लाखांचे नुकसान!

On: November 18, 2026 9:35 AM
Follow Us:
चिखली तालुक्यातील कोलारा शिवारात बिबट्याच्या हल्ल्यात १२ बकऱ्या ठार

चिखली : विशाल गवई 

KattaNews जाहिरात 1

बुलढाणा जिल्ह्यातील चिखली तालुक्यात बिबट्याच्या हल्ल्याची घटना समोर आली असून, कोलारा शिवारात बिबट्याने गोठ्यात शिरून तब्बल १२ बकऱ्यांना ठार केले आहे. १७ नोव्हेंबर रोजी उघडकीस आलेल्या या घटनेत शेतकरी विश्वनाथ सुखदेव सोळंकी यांचे जवळपास दोन लाख रुपयांचे नुकसान झाले आहे. विशेष म्हणजे, बकऱ्यांच्या संरक्षणासाठी गोठ्याभोवती जाळी लावलेली असतानाही बिबट्याने जाळीखालून आत प्रवेश केला. दिवसाढवळ्या घडलेल्या या घटनेमुळे परिसरातील शेतकरी आणि पशुपालकांमध्ये भीतीचे वातावरण निर्माण झाले आहे.

KattaNews जाहिरात 2

कोलारा येथील शेतकरी विश्वनाथ सुखदेव सोळंकी यांचे कोलारा भाग दोन शिवारातील पाबळ शेतात जनावरांचे गोठे आहेत. शेतीला पूरक व्यवसाय म्हणून त्यांनी बकऱ्यांसह अन्य जनावरे पाळली होती. शेळीपालन हा त्यांच्या कुटुंबाच्या उदरनिर्वाहाचा महत्त्वाचा आधार होता. बकऱ्यांना वन्यप्राण्यांपासून धोका निर्माण होऊ नये, यासाठी त्यांनी गोठ्याभोवती संरक्षण जाळीही लावली होती.

KattaNews जाहिरात 3

मात्र, बिबट्याने संरक्षण जाळीच्या खालून मार्ग काढत गोठ्यात प्रवेश केला. त्यानंतर बकऱ्यांवर हल्ला करून एकापाठोपाठ १२ बकऱ्यांना ठार केले. सकाळी गाईचे दूध काढल्यानंतर सोळंकी घरी आले होते. जेवण आटोपून पुन्हा शेतात गेले असता, सकाळी साडेअकराच्या सुमारास गोठ्याजवळील विदारक दृश्य त्यांच्या निदर्शनास आले. गोठ्यातील बकऱ्या मृतावस्थेत पाहून त्यांना मोठा धक्का बसला.

KattaNews जाहिरात 4

या घटनेमुळे सोळंकी कुटुंबाचे जवळपास दोन लाख रुपयांचे आर्थिक नुकसान झाले आहे. शेतीला आधार म्हणून सुरू केलेल्या शेळीपालन व्यवसायालाच बिबट्याच्या हल्ल्यामुळे मोठा फटका बसला आहे. ग्रामीण भागात शेळीपालनातून अनेक शेतकरी कुटुंबांना आर्थिक हातभार मिळतो. त्यामुळे अशा प्रकारच्या हल्ल्यांमुळे पशुपालकांसमोर आर्थिक संकट उभे राहत आहे.

घटनेची माहिती मिळताच कोलारा भाग दोनचे तलाठी बद्रीनाथ वानखेडे यांनी घटनास्थळी भेट देऊन नुकसानीचा पंचनामा केला. वनपाल प्रदीप मुंढे, पोलीस पाटील सुनील सोळंकी आणि पशुवैद्यकीय अधिकारी यांनीही घटनास्थळी पाहणी केली. मृत बकऱ्यांची संख्या आणि झालेल्या नुकसानीची नोंद संबंधित अधिकाऱ्यांनी घेतली.

बिबट्याचा बंदोबस्त करण्यासाठी संबंधित परिसरात पिंजरा लावण्यात येईल, अशी माहिती वनपाल प्रदीप मुंढे यांनी दिली. मात्र, कोलारा शिवारात घडलेल्या या घटनेनंतर परिसरातील शेतकरी आणि पशुपालकांनी वनविभागाने अधिक सतर्क राहण्याची गरज व्यक्त केली आहे.

वन्यप्राण्यांच्या हल्ल्यात पशुधन गमावलेल्या शेतकऱ्याला शासनाकडून तातडीने नुकसानभरपाई मिळावी, तसेच बिबट्याचा बंदोबस्त करण्यासाठी प्रभावी उपाययोजना राबवाव्यात, अशी मागणी शेतकरी वर्गातून होत आहे. शेती आणि पशुपालनावर अवलंबून असलेल्या कुटुंबांना अशा घटनांमुळे मोठ्या आर्थिक संकटाला सामोरे जावे लागते. त्यामुळे वनविभागाने या घटनेकडे गांभीर्याने लक्ष देण्याची अपेक्षा व्यक्त होत आहे.

चिखली तालुक्यातील कोलारा शिवारात बिबट्याच्या हल्ल्यात १२ बकऱ्या ठार झाल्याने वन्यप्राण्यांचा वाढता वावर आणि पशुधनाच्या सुरक्षेचा प्रश्न पुन्हा ऐरणीवर आला आहे.


बुलढाणा जिल्ह्यातील ताज्या बातम्यांसाठी कट्टान्यूज शी जोडलेले राहा!

बुलढाणा जिल्ह्यातील राजकीय, सामाजिक, शेती, शिक्षण, गुन्हेगारी आणि स्थानिक घडामोडींच्या विश्वासार्ह अपडेटसाठी कट्टा न्यूजला भेट देत राहा.

🟢 WhatsApp ग्रुपमध्ये सहभागी व्हा

📢 तुमच्या परिसरात घडणाऱ्या बातम्या, समस्या, अन्याय किंवा महत्त्वाच्या घडामोडी आमच्यापर्यंत पोहोचवा. तुमचा फोटो, व्हिडिओ आणि माहिती कट्टा न्यूजला WhatsApp द्वारे पाठवा. स्थानिक प्रश्नांना व्यासपीठ मिळवून देण्यासाठी आम्ही प्रयत्नशील आहोत.


इतर महत्त्वाच्या बातम्या

विशाल गवई

विशाल गवई हे चिखली तालुका प्रतिनिधी असून बुलढाणा, महाराष्ट्र येथील स्थानिक बातम्यांचा सखोल कव्हरेज करतात. ते ५ वर्षांहून अधिक पत्रकारितेत अनुभव आहेत आणि स्थानिक प्रशासन, ग्रामस्थ आणि समाजकार्याच्या घडामोडींवर लक्ष ठेवतात. वाचकांना त्यांच्या बातम्यांमधून नेमकी आणि विश्वासार्ह माहिती मिळते.

Join WhatsApp

Join Now

Join Telegram

Join Now

हे पण वाचा

हिवरखेड पूर्णा येथील वैभव भुसारी यांच्या निधनाची बातमी

अवघ्या २ महिन्यांचा चिमुकला पोरका! हिवरखेड पूर्णा येथे हृदयद्रावक घटना; २६ वर्षीय वैभव भुसारी यांची आत्महत्या

बुलढाण्यात लग्नाच्या नावाखाली फसवणूक करणाऱ्या नवरीला धाड पोलिसांनी अटक केली

लग्नाच्या दोन दिवसांत नवरी गायब! तरुणाला गंडवून फरार झालेल्या महिलेला पोलिसांनी असे पकडले

मेहकर लोणार शेतकऱ्यांसाठी उतावळी आणि पिंपळनेर धरणातून सिंचनासाठी पाणी सोडण्याचा निर्णय

मेहकर-लोणारच्या शेतकऱ्यांना दिलासा! दोन धरणांतील पाणी शेतीसाठी उपलब्ध; ६०० हेक्टरला होणार फायदा

टाकरखेडा मुसलमान येथे गोपाल पवार यांच्या मृत्यू प्रकरणी घटनास्थळी दाखल पोलीस अधिकारी

टाकरखेडा मुसलमानमध्ये गोपाल पवार यांची हत्या; ३० वर्षीय तरुणाच्या मृत्यूने खळबळ, DYSP घटनास्थळी

धाड पोलिसांनी नाकाबंदीत हस्तगत केलेली चोरीची बैलजोडी आणि लोखंडी बैलगाडी

धाड पोलिसांची नाकेबंदी ठरली गेमचेंजर! रात्री बैलजोडी चोरीला, पहाटे नाकाबंदीत चोर पकडला!

अंढेरा पोलीस महिला अंमलदार ज्योत्स्ना गवई यांनी तीन वर्षीय चिमुरड्याला पालकांकडे सुखरूप सोपवले

एसटी बसमध्ये रडणाऱ्या ३ वर्षीय चिमुरड्याला महिला पोलिसांनी दिला आधार; अंढेरा पोलिसांची समयसूचकता!

Leave a comment