दुसरबीड–सिंदखेड राजा मार्गावर भीषण अपघात; दुचाकीवरून पडलेल्या सैन्यातील जवानांच्या पत्नीचा ट्रकखाली चिरडून मृत्यू.

सिंदखेडराजा/सचिन खंदारे 

दुसरबीड–सिंदखेड राजा  रोडवर भीषण अपघातानंतर  परिसर हादरला आहे. हा अपघात दुसरबीड–सिंदखेड राजा  रोडवर नागझरी नाल्याजवळ झाला असून या अपघातात सैन्यातील जवानांच्या २५ वर्षीय पत्नीचा ट्रकखाली चिरडून मृत्यू झाला. यामध्ये लहान मुलगा व दुचाकी चालक मात्र चमत्कारिकरीत्या बचावले.

घटना १० डिसेंबर रोजी सायंकाळी ७ वाजता घडली. सिंदखेड राजा तालुक्यातील राहेरी बुद्रूक येथील भारतीय सैन्यात सेवेत असलेले प्रमोद सुरेश गवई (वय ३२) हे पत्नी कोमल गवई (वय २५) व लहान मुलासह एमएच-३०-बीके-४९९९ क्रमांकाच्या बुलेटने लोणार सासुरवाडीकडे निघाले होते. दरम्यान समोर चालणाऱ्या अज्ञात बैलगाडीला बुलेटचा किरकोळ धक्का लागला आणि दुचाकी अचानक थांबली.

अचानक झालेल्या धक्क्यामुळे पाठीमागे बसलेली कोमल गवई रस्त्यावर पडली आणि त्याच क्षणी समोरून येणाऱ्या एमएच २१ बीडब्ल्यू ३३४४ क्रमांकाच्या ट्रकने त्यांच्या अंगावरून जात त्यांचा जागीच मृत्यू झाला. या भीषण घटनेत पती व मुलगा सुखरूप वाचले.

हे‌ पण वाचा..

कामाच्या शोधात आलेल्या कापूस वेचणाऱ्या महिला मजुरांवर काळाची झडप; देऊळगाव राजातील भीषण अपघातात 2 महिला ठार.

अपघाताची माहिती मिळताच किनगाव राजा पोलिस तात्काळ घटनास्थळी दाखल झाले. पंचनामा करून मृतदेह उत्तरीय तपासणीसाठी सिंदखेड राजा रुग्णालयात हलविण्यात आला.