रामदास कहाळे/देऊळगाव राजा
देऊळगाव राजा अपघात आज सकाळी जाफराबाद रोडवर अत्यंत भीषण स्वरूपात घडला. या
अपघातात मजुरीसाठी आलेल्या दोन महिला मजुरांचा जागीच मृत्यू झाला असून पाच महिला गंभीर जखमी आहेत. कामाच्या शोधात परराज्यातून आलेल्या महिलांसाठी हा
देऊळगाव राजा तील अपघात अक्षरशः काळाची झडप ठरला. प्रत्यक्षदर्शींच्या म्हणण्यानुसार, हा
अपघात इतका अचानक घडला की पीडित महिलांना काहीच सुचण्याची उसंत मिळाली नाही.
मिळालेल्या माहितीनुसार, परराज्य तसेच अमरावती जिल्ह्यातून कापूस वेचण्यासाठी आलेल्या महिला सकाळी पिंपळगावकडे जाण्यासाठी मालवाहू पिकअप (MH 38 E 2082) मध्ये बसत होत्या. तेवढ्यात मागून भरधाव वेगात आलेल्या एस.टी. बसने (MH 20 BL 2276) पिकअपला भीषण धडक दिली. धडक एवढी जोरदार होती की दोन महिलांचा मृतदेह अक्षरशः चुराडा झाल्याचे प्रत्यक्षदर्शी सांगतात.
👉 विशेष जाहिरात | अधिक माहितीसाठी क्लिक करा
या अपघातात मृत झालेले — मायाबाई सुरज काजले (३२, राह. रामखेरा, बुऱ्हानपूर) आणि रिचाय काल्या कासदेकर (७२, राह. नांदुरी, धारणी, अमरावती). तर जखमी महिला: सुहाना प्रतिराम इपने (१६), खुशबू बबलू पालवी (१७), सुलोचना सहारे (३५), पुरुषाने इपने (२२) आणि नर्मदा सोनू इपने (४५). त्यांना प्राथमिक उपचारांनंतर जालना येथील घाटी रुग्णालयात हलविण्यात आले.
अपघातानंतर स्थानिक डॉक्टर डॉ. अक्षय गुठे, चालक सुभाष कणखर आणि समाधान आघाव यांनी घटनास्थळावर धाव घेऊन मदतकार्य सुरू केले. पोलिस निरीक्षक ब्रह्मागिरी यांनी घटनास्थळी पाहणी करून पंचनामा केला. देऊळगाव राजा पोलिसांनी मर्ग दाखल करून पुढील तपास सुरू केला आहे.
या घटनेनंतर कामाच्या शोधात आलेल्या मजुरांच्या कुटुंबीयांवर दुःखाचा डोंगर कोसळला असून शहरात हळहळ व्यक्त केली जात आहे.
👉 हे पण वाचा…
- साखरखेर्डा परिसरात चॉकलेटचे आमिष देत 14 वर्षीय मुलीवर अत्याचार; ‘भावाला मारून टाकीन’ धमकी देणाऱ्या युवकावर POCSO गुन्हा दाखल!
- साखरखेर्डा परिसरात चॉकलेटचे आमिष देत 14 वर्षीय मुलीवर अत्याचार; ‘भावाला मारून टाकीन’ धमकी देणाऱ्या युवकावर POCSO गुन्हा दाखल!
- लोणारमध्ये स्प्रिंकलरच्या 1,000 तोट्यांची धक्कादायक चोरी; शेतकऱ्यांची सिंचन व्यवस्था कोलमडली.
👉 हे आवश्य करा.
📌 ताज्या अपडेट्ससाठी Kattanews.in ला भेट द्या आणि नोटिफिकेशन ऑन करा!
