अल्पवयीन मुलाच्या हातात ट्रॅक्टर; अपघातात मृत्यू — डोणगावमध्ये अवैध गौण खनिज वाहतुकीचा धक्कादायक पर्दाफाश

ही घटना डोणगाव पोलिस ठाण्याच्या हद्दीतील आरेगाव माळ परिसरात २ जानेवारी रोजी मध्यरात्री सुमारे १ वाजताच्या सुमारास घडली. अल्पवयीन ऋषिकेश किरण भुतेकर हा (MH 28 T 8709) क्रमांकाचा ट्रॅक्टर चालवत असताना रस्त्यालगतच्या नालीत घसरून ट्रॅक्टर उलटला.

👉 विशेष जाहिरात | अधिक माहितीसाठी क्लिक करा

या अपघातात ऋषिकेश ट्रॅक्टरखाली दबला गेला. गंभीर जखमी अवस्थेत त्याला उपचारासाठी छत्रपती संभाजीनगर येथे नेत असताना वाटेतच त्याचा मृत्यू झाला. अल्पवयीन मुलाच्या हातात ट्रॅक्टर अपघात प्रकरणामुळे नागरिकांमध्ये तीव्र नाराजी व्यक्त केली जात आहे.

मृतकाचे वडील दत्ता पुंजाजी भुतेकर यांच्या फिर्यादीवरून ट्रॅक्टर मालक पवन अरुण काळे (रा. डोणगाव) याच्याविरुद्ध अल्पवयीन मुलाला वाहन चालविण्यास दिल्याप्रकरणी आणि मृत्यूस कारणीभूत ठरल्याबाबत डोणगाव पोलिस ठाण्यात गुन्हा दाखल करण्यात आला आहे.

दरम्यान, डोणगाव परिसरात रात्रीच्या वेळी मोठ्या प्रमाणावर गौण खनिजाचे अवैध उत्खनन आणि वाहतूक सुरू असल्याची चर्चा आहे. या बेकायदेशीर कामासाठी अल्पवयीन मुलांचा चालक म्हणून वापर केला जात असल्याचे स्थानिक नागरिक सांगतात. आरेगाव रस्त्यावर रात्री उशिरापर्यंत ट्रॅक्टरची वर्दळ असते, तर काही ठिकाणी वेगाने पोहोचण्यासाठी शर्यतीही लावल्या जात असल्याची माहिती पुढे आली आहे.

रात्रीच्या वेळी पोलिस गस्त सुरू असतानाही ही वाहतूक कशी सुरू राहते, असा प्रश्न नागरिक उपस्थित करत आहेत. गावातील सीसीटीव्ही कॅमेऱ्यांमध्ये रात्री-बेरात्री ट्रॅक्टर वाहतूक तसेच लोकेशन देणारे युवक दुचाकीवर फिरताना दिसत असल्याचेही सांगण्यात येत आहे.

हे पण वाचा..

मागेल त्याला सौर कृषी पंप योजना फसली? दोन वर्षांपासून शेतकरी लाभापासून वंचित — महावितरणवर गंभीर आरोप.

या गंभीर घटनेनंतर महसूल आणि पोलिस प्रशासनाने संयुक्त कारवाई करून अवैध गौण खनिज उत्खननावर कठोर पावले उचलावीत, अशी जोरदार मागणी डोणगावसह परिसरातील नागरिकांकडून होत आहे.

हे पण वाचा..

अखेर कारवाई! शिंदी येथील तत्कालीन ग्रामसेवक दिनकर काळे निलंबित — महिलांशी गैरवर्तन व धमकी प्रकरण.