कठीण परिश्रम आणि मजबूत ध्येय असेल तर जीवनाचा विकास अटळ! – सहाय्यक आयुक्त दीपक मांटे

जीवन विकास विद्यालय, दुसरबीड येथे स्नेहसंमेलनात विद्यार्थ्यांना मार्गदर्शन करताना सहाय्यक आयुक्त दीपक मांटे

उद्घाटनीय भाषणात भावनिक होत आयुक्त मांटे म्हणाले, “मी एका सामान्य खेड्यातून आलेला विद्यार्थी आहे. या शाळेने मला घडवले, शिक्षकांनी योग्य मार्गदर्शन केले. आज मी जे काही आहे, त्यामागे जीवन विकास विद्यालयाचा मोठा वाटा आहे.”

“या शाळेचे उपकार मी कधीच फेडू शकणार नाही. मात्र शाळा आणि येथील विद्यार्थ्यांसाठी जे काही करता येईल, त्यासाठी मी नेहमी तयार असेन,” असे आश्वासनही त्यांनी दिले.

विद्यार्थ्यांना मार्गदर्शन करताना त्यांनी एक महत्त्वाचा संदेश दिला. “अभ्यासाच्या दिवसांत जे झोप घेतात, त्यांना आयुष्यभर जाग राहावे लागते; आणि जे अभ्यासाच्या काळात कमी झोपतात, ते आयुष्यभर सुखी राहतात,” असे वास्तववादी विधान त्यांनी केले.

यावेळी व्यासपीठावर बुलढाणा जिल्ह्याचे उपशिक्षणाधिकारी जगन मुंडे, प्रसिद्ध व्याख्याते जीवनराव देशमुख (अकोला) उपस्थित होते. जीवनराव देशमुख यांनी आपल्या अभ्यासपूर्ण व्याख्यानातून विद्यार्थ्यांना जीवनातील यशाचे अनेक ट्रिक्स सांगितले.

कार्यक्रमाच्या अध्यक्षस्थानी लोकशिक्षण संस्था, किनगाव राजा यांचे अध्यक्ष मुकुंदराव देशमुख होते. प्रमुख उपस्थितीत संस्थेचे सचिव राजे गणेशराव जाधव यांचा समावेश होता.

प्रास्ताविक प्राचार्य गणेश भांगे यांनी केले. उपप्राचार्य प्रा. रवींद्र धनावत, पर्यवेक्षक डी. एल. वायाळ, तंटामुक्त समिती अध्यक्ष छगन खंदारे, राजेश गुंजाळ, बाबुराव खंदारे, कृष्णा जराड, आम्रपाली काळे, डॉ. शिवाजी खरात, माजी प्राचार्य भगवान मस्के, नितीन देशमुख, महिला शिक्षिका प्रतिनिधी मंदाताई हुसे, पत्रकार रमेश कोंडाणे, पत्रकार बाळासाहेब भोसले, माजी प्रा. नरेंद्र पोटोडे, प्रा. प्रभाकर देशमुख यांची उपस्थिती होती.

यावेळी विद्यार्थ्यांनी NCC परेडद्वारे पथसंचलन केले तसेच विविध गुणदर्शन कार्यक्रमांतर्गत नृत्य व नाट्यप्रयोग सादर करून उपस्थितांची मने जिंकली.

कार्यक्रमाचे सूत्रसंचालन डी. जे. राजे जाधव यांनी केले.

📌 Related News

• विकसित भारतासाठी आत्मनिर्भर बुलढाण्याचा संकल्प! – प्रजासत्ताक दिनी जिल्हाधिकारी डॉ.किरण पाटील यांचे मोठे आवाहन
• राष्ट्रध्वजाला मानवंदना देतानाच शाळेच्या मुख्याध्यापकाचा मृत्यू; मोहेगाव गावावर शोककळा
• Chikhali : लग्नाचे आमिष, नंतर नकार; धक्कादायक! २० वर्षीय तरुणीची आत्महत्या

👉 Kattanews.in वर अशाच प्रेरणादायी, विश्वासार्ह आणि वेगवान बातम्यांसाठी आमच्याशी जोडलेले रहा.