चिखली, प्रतिनिधी : विशाल गवई
चिखली शहरातील बैलजोडी परिसरात आत्महत्येची घटना समोर आली असून, ४० वर्षीय महिलेने राहत्या घरात गळफास घेऊन आत्महत्या केल्याचे उघडकीस आले आहे. चिखली(chikhali) आत्महत्या बातमी म्हणून या घटनेची परिसरात मोठी चर्चा होत असून नागरिकांमध्ये शोककळा पसरली आहे.
मीना राजू महाजन (वय ४०) असे आत्महत्या केलेल्या महिलेचे नाव आहे. मिळालेल्या माहितीनुसार, गुरुवारी (९ जानेवारी) दुपारी घरात कोणीही नसताना त्यांनी खुर्चीच्या सहाय्याने छताच्या पंख्याला साडी बांधून गळफास घेतला.
काही वेळानंतर ही घटना शेजाऱ्यांच्या लक्षात येताच त्यांनी तात्काळ चिखली पोलिस ठाण्याला माहिती दिली. घटनेची माहिती मिळताच पोलीस अधिकारी व कर्मचारी तातडीने घटनास्थळी दाखल झाले.
पोलिसांनी घटनास्थळाचा पंचनामा करून मृतदेह ताब्यात घेतला असून शवविच्छेदनासाठी मृतदेह चिखली येथील उपजिल्हा रुग्णालयात पाठवण्यात आला आहे.
हे पण वाचा..
बुलढाणा डाक विभागात मोठी संधी! PLI एजंट व क्षेत्र अधिकारी भरती; २८ जानेवारीला थेट मुलाखत.
दरम्यान, आत्महत्येमागील नेमके कारण अद्याप स्पष्ट झालेले नाही. या प्रकरणी प्राथमिक स्वरूपात अकस्मात मृत्यूची नोंद करण्यात आली असून चिखली पोलिसांकडून पुढील तपास सुरू आहे.
संबंधित बातम्या
- मेहकरमध्ये खळबळ! डोणगाव ग्रामपंचायत प्रकरणी विस्तार अधिकाऱ्यांना कारणे दाखवा नोटीस; आंदोलनाचा मोठा परिणाम.
- बुलढाणा न्यास नोंदणी कार्यालयातून कोरी प्रमाणपत्रे चोरीस; शासकीय फसवणुकीचा धोका.
अशाच विश्वासार्ह व स्थानिक बातम्यांसाठी KattaNews.in ला दररोज भेट द्या.
