बुलढाणा/समाधान सरकटे
बुलढाणा डाक विभाग एजंट भरती 2026 अंतर्गत बेरोजगार युवक, स्वयंरोजगार करणारे तरुण तसेच अनुभव असलेल्या उमेदवारांसाठी एक महत्त्वाची सरकारी संधी उपलब्ध झाली आहे. भारतीय डाक विभागाच्या टपाल जीवन विमा (PLI) योजनेसाठी थेट अभिकर्ता (Agent) व क्षेत्र अधिकारी पदांची भरती प्रक्रिया सुरू करण्यात आली असून यासाठी बुधवार, २८ जानेवारी २०२६ रोजी थेट मुलाखती आयोजित करण्यात आल्या आहेत. कोणतीही लेखी परीक्षा नसल्याने ही भरती उमेदवारांसाठी विशेष आकर्षक ठरत आहे.
या भरतीसाठी उमेदवाराचे वय किमान १८ वर्षे असणे आवश्यक असून शैक्षणिक पात्रता किमान दहावी उत्तीर्ण असणे अनिवार्य आहे. बेरोजगार युवक, स्वयंरोजगार करणारे तरुण, माजी विमा प्रतिनिधी, माजी सैनिक, अंगणवाडी सेविका, महिला मंडळ सेविका तसेच सेवानिवृत्त शिक्षक या भरतीसाठी अर्ज करू शकतात. निवड प्रक्रिया थेट मुलाखतीद्वारे करण्यात येणार असून उमेदवारांच्या संवाद कौशल्य व व्यक्तिमत्त्वाच्या आधारे निवड केली जाणार आहे.निवड झालेल्या उमेदवारांना ५,००० रुपयांची सुरक्षा ठेव NSC किंवा KVP स्वरूपात जमा करावी लागेल. आवश्यक प्रशिक्षणानंतर सुरुवातीला तात्पुरता परवाना दिला जाईल आणि IRDA परीक्षा उत्तीर्ण झाल्यानंतर कायमस्वरूपी परवाना व आकर्षक कमिशन मिळणार आहे. ही संधी नियमित उत्पन्न व सरकारी योजनेत काम करण्याची विश्वासार्ह संधी मानली जात आहे.थेट मुलाखती २८ जानेवारी २०२६ रोजी सकाळी ११.०० ते दुपारी २.०० वाजेपर्यंत अधीक्षक, डाकघर कार्यालय, बुलढाणा – ४४३००१ येथे पार पडणार आहेत. मुलाखतीस येताना उमेदवारांनी दहावी किंवा बारावीचे प्रमाणपत्र, वयाचा पुरावा (टी.सी.), पॅन कार्ड, आधार कार्ड, संगणक ज्ञान प्रमाणपत्र (असल्यास) तसेच इतर शैक्षणिक कागदपत्रांच्या मूळ प्रती व छायांकित प्रती सोबत आणणे आवश्यक आहे.हे पण वाचा..मेहकरमध्ये खळबळ! डोणगाव ग्रामपंचायत प्रकरणी विस्तार अधिकाऱ्यांना कारणे दाखवा नोटीस; आंदोलनाचा मोठा परिणाम.
या भरती संदर्भात अधिक माहितीसाठी इच्छुक उमेदवारांनी आपल्या जवळच्या डाक कार्यालयाशी संपर्क साधावा. अशा प्रकारच्या सरकारी नोकरी, भरती आणि विमा योजनांच्या विश्वासार्ह व ताज्या अपडेटसाठी Kattanews.in ला नियमित भेट द्या.
👉 अशी सरकारी भरती, नोकरी व उत्पन्नाच्या संधींबाबतच्या बातम्या सर्वात आधी वाचण्यासाठी ही बातमी शेअर करा आणि Kattanews.in फॉलो करा.
