बुलढाणा | विशाल गवई
बुलढाणा शहरात शनिवारी (18 जुलै) सकाळी घडलेल्या एका दुर्दैवी घटनेमुळे परिसरात हळहळ व्यक्त होत आहे. शामनगर परिसरातील 29 वर्षीय धिरज बबनराव सनगाळे यांचा मृत्यू झाल्याची घटना समोर आली असून या प्रकरणी शहर पोलिसांनी आकस्मिक मृत्यूची नोंद करून पुढील तपास सुरू केला आहे.
मिळालेल्या माहितीनुसार, धिरज सनगाळे हे शनिवारी पहाटे घरातून बाहेर पडले होते. त्यानंतर सकाळी सुमारे सहा वाजण्याच्या सुमारास 132 केव्ही विद्युत लाईनच्या टॉवर परिसरात ते गंभीर अवस्थेत आढळून आले. स्थानिक नागरिकांनी तातडीने त्यांना जिल्हा सामान्य रुग्णालयात दाखल केले. मात्र, वैद्यकीय अधिकाऱ्यांनी तपासणीअंती त्यांना मृत घोषित केले.
👉 विशेष जाहिरात | अधिक माहितीसाठी क्लिक करा
घटनेची माहिती मिळताच शहर पोलीस ठाण्याचे ठाणेदार संग्राम पाटील यांनी सहकाऱ्यांसह घटनास्थळी भेट देऊन पाहणी केली. पोलिसांनी आकस्मिक मृत्यूची नोंद केली असून या प्रकरणाचा पुढील तपास एपीआय मल्लीकार्जून वाघमोडे करत आहेत.
धिरज सनगाळे हे सेवानिवृत्त पोलीस अधिकारी बबनराव सनगाळे यांचे पुत्र असल्याची माहिती स्थानिकांकडून देण्यात आली. या घटनेमुळे शामनगर परिसरासह संपूर्ण शहरात शोककळा पसरली आहे.
महाराष्ट्रातील ताज्या, विश्वासार्ह आणि सर्वात वेगवान बातम्या मिळवण्यासाठी आमच्या WhatsApp ग्रुपमध्ये सहभागी व्हा.👉 येथे क्लिक करून WhatsApp Group Join करा
