मेरा बु.,प्रतिनिधी | सुनिल अंभोरे
बुलढाणा जिल्ह्यातील चिखली तालुक्यातील आसोला बु. येथे अंगणातील दगड उचलण्याच्या क्षुल्लक कारणावरून शेजाऱ्यांमध्ये झालेला वाद हिंसक वळणावर गेला. या वादातून एका दाम्पत्यावर चाकूने जीवघेणा हल्ला करण्यात आल्याची धक्कादायक घटना १३ जुलै रोजी घडली. या हल्ल्यात पती आणि पत्नी दोघेही जखमी झाले असून त्यांच्यावर उपचार सुरू आहेत.
अंढेरा पोलिसांनी दिलेल्या माहितीनुसार, शेख जावेद शेख कादर (वय ५४, व्यवसाय – शेती, रा. आसोला बु.) हे आपल्या घराजवळ असताना अंगणातील दगड उचलण्याच्या कारणावरून शेजारी शेख दस्तगीर शेख आलमगीर आणि समीना बी दस्तगीर शेख यांच्याशी वाद झाला. हा वाद काही क्षणांतच उग्र बनला.
👉 विशेष जाहिरात | अधिक माहितीसाठी क्लिक करा
आरोपींनी संगनमताने फिर्यादी तसेच त्यांच्या पत्नीवर चाकूने हल्ला केल्याचा आरोप आहे. या हल्ल्यात दोघांच्या डोक्यावर, गळ्यावर आणि उजव्या हातावर गंभीर जखमा झाल्या. परिसरातील नागरिकांनी तातडीने मदत करत जखमींना उपचारासाठी रुग्णालयात दाखल केले.
जखमींचा वैद्यकीय अहवाल आणि फिर्यादीच्या तक्रारीच्या आधारे अंढेरा पोलीस ठाण्यात आरोपी शेख दस्तगीर शेख आलमगीर आणि समीना बी दस्तगीर शेख (रा. आसोला बु., ता. चिखली) यांच्याविरुद्ध अपराध क्रमांक २३२/२०२६ अन्वये भारतीय न्याय संहिता (BNS) कलम १०९ व ३(५) अंतर्गत गुन्हा दाखल करण्यात आला आहे.
घटनेची माहिती मिळताच उपविभागीय पोलीस अधिकारी देऊळगाव राजा विभाग, पोलीस निरीक्षक रुपेश शक्करगे आणि पीएसआय दिनेश घुगे यांनी घटनास्थळी भेट देऊन पाहणी केली. या प्रकरणाचा पुढील तपास पीएसआय दिनेश घुगे करीत आहेत.
या घटनेमुळे आसोला बु. परिसरात काही काळ तणावाचे वातावरण निर्माण झाले होते. किरकोळ कारणावरून घडलेल्या या हिंसक प्रकारामुळे नागरिकांमध्येही चिंता व्यक्त केली जात आहे.
संबंधित बातम्या
- ₹25 हजारांची लाच घेताना पंचायत समितीचे विस्तार अधिकारी संदीप मोरे ACB च्या जाळ्यात; विकासकामांच्या बिलासाठी मागितले होते 3% कमिशन
- मोठी घोषणा! महाराष्ट्रातील पात्र शेतकऱ्यांना 2 लाखांपर्यंत कर्जमाफी; शासनाने काढले नवे परिपत्रक
- महाराष्ट्र क्राईम न्यूज Live Updates
वाचकांसाठी सूचना
आपल्या परिसरातील महत्त्वाच्या घडामोडी, अपघात, गुन्हे किंवा सामाजिक बातम्या आमच्यापर्यंत पोहोचवा. सत्य आणि विश्वासार्ह बातम्यांना KattaNews.in नेहमीच प्राधान्य देते.
