शिवहरी मांटे /प्रतिनिधी
पोलीस स्टेशनलगतच चोरी झाल्याने अंढेरा फाटा परिसरात सुरक्षेवर प्रश्नचिन्ह निर्माण झाले आहे.
वनविभागात कार्यरत असलेल्या वनरक्षक विष्णू काकड यांच्या घरात ही चोरी झाली असून
अंढेरा फाटा परिसरातील वाढत्या चोरीच्या घटनांमुळे भीतीचे वातावरण तयार झाले आहे.
मिळालेल्या माहितीनुसार, फिर्यादी 4 डिसेंबर रोजी बुलढाणा येथे कामानिमित्त गेले असताना
गावातील राम राठोड यांनी फोन करून त्यांच्या घरी चोरी झाल्याची माहिती दिली.
फिर्यादी घरी परतले असता घराचे पाठीमागील उघडे दार उचकटल्याचे दिसून आले.
घरातील रोख रक्कम व दागदागिने असा एकूण 2,43,000 रुपयांचा माल चोरीस गेला असल्याचे समोर आले.
चोरट्यांनी नेलेला ऐवज पुढील प्रमाणे —
रोख रक्कम ₹1,30,000,
3 तोळे चांदीची चैन (₹5,000),
4 तोळे सोन्याची साखळी (₹1,00,000),
गॅस सिलेंडर आणि भांडी (₹8,000).
घटनेची माहिती मिळताच पोलिसांनी डॉग स्क्वॉड आणि फिंगरप्रिंट तज्ज्ञांना घटनास्थळी बोलावले.
काही ठसे हस्तगत करण्यात आले असून तपास सुरू आहे.
गावात पोलीस स्टेशन असताना अशा प्रकारची मोठी चोरी होणे हा गंभीर मुद्दा समोर आला आहे.
गेल्या काही दिवसांपासून परिसरात चोरीच्या घटनांमध्ये वाढ होत असल्याने नागरिकांमध्ये भीतीचं सावट आहे.
“पोलीस स्टेशन जवळ असताना अशी मोठी चोरी होते, तर मग आम्ही कोणावर विश्वास ठेवायचा?” असा प्रश्न गावकऱ्यांतून पुढे आला आहे.
देऊळगाव राजा उपविभागीय अधिकारी मनीषा कदम यांच्या मार्गदर्शनाखाली,
ठाणेदार रुपेश शक्करगे व तपास अधिकारी दुय्यम ठाणेदार दिनेश घुगे पुढील तपास करत आहेत.
📢 ताज्या अपडेट्ससाठी KattaNews.in ला Follow करा
नवीन घडामोडी, ब्रेकिंग अपडेट्स आणि स्थानिक बातम्यांसाठी आमच्या पोर्टलला भेट द्या.
🔗 Related News
