जबरी चोरी प्रकरणात रिसोड पोलिसांची धडाकेबाज कारवाई; अवघ्या १२ तासांत आरोपी अटकेत

On: December 29, 2025 8:04 AM

रिसोड पोलिसांची जबरी चोरी प्रकरणात आरोपी अटक कारवाई

वाशिम जिल्हा प्रतिनिधी/नारायणराव आरु पाटील

रिसोड जबरी चोरी प्रकरणात रिसोड पोलिसांनी अतिशय जलद तपास करत मोठी कामगिरी बजावली आहे. रिसोड जबरी चोरी घटनेनंतर अवघ्या १२ तासांत गुन्ह्यातील आरोपी अटक करण्यात आले असून ही कारवाई पोलिसांच्या कार्यक्षमतेचे उत्तम उदाहरण ठरत आहे.

२३ डिसेंबर रोजी रात्री सेनगाव रोडवरील घोन्सर फाट्याजवळ दोन अनोळखी इसमांनी एका युवकाला मारहाण करून जबरी चोरी केल्याची घटना घडली. या घटनेत ९७ हजार रुपये किमतीची दुचाकी, ७ हजार रुपये रोख व १० हजार रुपये किमतीचा मोबाईल असा एकूण १ लाख १४ हजार रुपयांचा मुद्देमाल लंपास करण्यात आला.

👉 विशेष जाहिरात | अधिक माहितीसाठी क्लिक करा

अमोल प्रकाश खिल्लारे (वय २८, रा. पुसेगाव, ता. सेनगाव, जि. हिंगोली) यांनी २४ डिसेंबर रोजी रिसोड पोलीस स्टेशनला तक्रार दाखल केली. गुन्ह्याची गंभीरता लक्षात घेऊन ठाणेदार रामेश्वर चव्हाण यांनी डी.बी. पथकाला तपासाच्या सूचना दिल्या.

सीसीटीव्ही फुटेज, तांत्रिक विश्लेषण व गुप्त बातमीदारांकडून मिळालेल्या माहितीच्या आधारे सेनगाव रोडवरील फुटाणा फॅक्टरी परिसरातून दोन आरोपींना ताब्यात घेण्यात आले. चौकशीत आरोपींनी गुन्ह्याची कबुली दिली असून चोरीस गेलेली दुचाकी जप्त करण्यात आली आहे.

ही यशस्वी कारवाई पोलीस अधीक्षक अनुज तारे, अपर पोलीस अधीक्षक लता फड, सहायक पोलीस अधीक्षक नवदिप अग्रवाल यांच्या मार्गदर्शनाखाली व पोलीस निरीक्षक रामेश्वर चव्हाण यांच्या नेतृत्वाखाली डी.बी. पथकाचे पोलीस उपनिरीक्षक सचिन गोखले, श्रीकिसन नागरे, मनोहर वानखेडे, रवी अढागळे, विनोद घनवट, परमेश्वर भोणे यांनी पार पाडली.