पोखरा योजनेतील भ्रष्टाचार उघड करणाऱ्या पत्रकाराच्या कुटुंबाला जीवे मारण्याची धमकी; रिसोड पोलिसांत तक्रार दाखल

पोखरा योजनेतील गैरप्रकारांवर प्रशासनाची दखल

पत्रकार वसंत खडसे यांनी पुराव्यानिशी मुख्यमंत्री, प्रधान सचिव व वरिष्ठ अधिकाऱ्यांकडे तक्रार दाखल केली होती. या तक्रारीची गंभीर दखल घेत जिल्हाधिकारी यांनी तातडीने चौकशीचे आदेश दिले असून वरिष्ठ तपास अधिकाऱ्यांची नेमणूक करण्यात आली आहे.

दि. २६ डिसेंबर रोजी तपास अधिकारी संतोष वाळके यांच्या पथकाने शेलुखडसे येथे भेट देत संबंधित लाभार्थ्यांच्या शेतजमिनी, नेटशेड, फळबाग, वनीकरण व विहिरींची प्रत्यक्ष पाहणी केली.

👉 विशेष जाहिरात | अधिक माहितीसाठी क्लिक करा

धमकीचा प्रकार उघड

तपास अंगलट येत असल्याचे लक्षात येताच आरोपी संजय गजानन खडसे व त्यांची आई लक्ष्मी गजानन खडसे यांनी पत्रकार वसंत खडसे यांच्या पत्नी सौ. अनिता वसंत खडसे यांना शिवीगाळ करत जीवे मारण्याची धमकी दिल्याचा आरोप आहे.

या घटनेनंतर पत्रकार वसंत खडसे यांनी रिसोड पोलीस ठाण्यात अधिकृत तक्रार दाखल केली आहे. ठाणेदार रामेश्वर चव्हाण यांच्या मार्गदर्शनाखाली बीट जमादार श्री. रंजवे पुढील तपास करीत आहेत.

पत्रकारांच्या सुरक्षिततेचा प्रश्न ऐरणीवर

पोखरा योजनेतील भ्रष्टाचार उघड करणाऱ्या पत्रकाराला व त्याच्या कुटुंबाला धमकी दिल्याने पत्रकारांच्या सुरक्षेचा प्रश्न पुन्हा एकदा ऐरणीवर आला आहे. दोषींवर तातडीने कठोर कारवाई करण्याची मागणी होत आहे.

👉 हे पण वाचा..

• रिसोड येथे बँक ऑफ महाराष्ट्रतर्फे महिला बचत गट कर्जवाटप मेळावा; महिलांच्या स्वावलंबनाला बळ.
• बुलढाणा जिल्ह्यातील थरकाप उडवणारी घटना: पोटच्या चिमुरड्यांना मृत्यूच्या दारात ढकलून मातेने संपवली जीवनयात्रा.
• सिंदखेडराजात धक्कादायक प्रकार: ११ वर्षीय मुलीवर दोन अल्पवयीन मुलांचा अतिप्रसंगाचा प्रयत्न; तालुक्यात संताप.

📌 अधिक स्थानिक, विश्वासार्ह व सत्य बातम्यांसाठी Kattanews.in वाचत रहा.