साखरखेर्डा | समाधान सरकटे
या प्रकरणी तक्रारदारांनी ६ जुलै २०२६ रोजी सकाळी १० वाजता साखरखेर्डा पोलीस ठाण्यात तक्रार नोंदवली. पोलिसांनी भारतीय न्याय संहिता (BNS) २०२३ च्या कलम ३०३(२) अंतर्गत NCR क्रमांक ०१३४/२०२६ दाखल केला असून घटनेची नोंद GD क्रमांक ०११ नुसार दुपारी १:५१ वाजता करण्यात आली.
या चोरीच्या घटनेचा पुढील तपास सहाय्यक पोलीस उपनिरीक्षक (ASI) रामदास वैराळ (ब.नं. १६६६) हे करत आहेत. चोरी करणाऱ्या अज्ञात आरोपीचा शोध घेण्यासाठी पोलिसांकडून विविध दिशांनी तपास सुरू असल्याची माहिती मिळाली आहे.
गेल्या काही दिवसांपासून साखरखेर्डा पोलीस ठाण्याच्या हद्दीत चोरीच्या घटनांमध्ये वाढ होत असल्याची चर्चा स्थानिक नागरिक आणि शेतकऱ्यांमध्ये आहे. शेतातील वीज उपकरणे, सोलर साहित्य आणि कृषी साहित्यावर चोरट्यांचा डोळा असल्याने शेतकरी चिंतेत आहेत. रात्रीच्या वेळी शेतांमध्ये पुरेशी सुरक्षा नसल्याचा फायदा चोरटे घेत असल्याचे नागरिकांचे म्हणणे आहे.
स्थानिक ग्रामस्थांनी पोलिसांनी रात्रीची गस्त वाढवावी, संशयितांवर लक्ष ठेवावे आणि चोरीच्या घटनांवर तातडीने आळा घालावा, अशी मागणी केली आहे. तसेच चोरी गेलेला सोलर मोटार पंप लवकरात लवकर जप्त करून आरोपींना अटक करण्याची अपेक्षाही व्यक्त केली जात आहे.
वाचकांसाठी आवाहन
आपल्या परिसरात अशा प्रकारच्या चोरी, अपघात, सामाजिक, शैक्षणिक किंवा शासकीय घडामोडी घडल्यास त्याची माहिती आणि छायाचित्रे Katta News कडे पाठवा. आपल्या भागातील प्रत्येक महत्त्वाची बातमी आम्ही विश्वासार्ह आणि वेगवान पद्धतीने वाचकांपर्यंत पोहोचवत आहोत.
संबंधित बातम्या
