चिखली |विशाल गवई
बुलढाणा जिल्ह्यातील चिखली तालुक्यात पुन्हा एकदा अंधश्रद्धा आणि जादूटोणा प्रकरण चर्चेचा विषय ठरले आहे. मकरध्वज खंडाळा येथे एका घरासमोर लिंबू टाकून जादूटोणा केल्याचा आरोप करण्यात आला असून, CCTV फुटेजच्या आधारे आरोपीविरोधात थेट गुन्हा दाखल करण्यात आला आहे. महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा प्रतिबंधक अधिनियम २०१३ अंतर्गत झालेल्या या कारवाईमुळे परिसरात मोठी खळबळ उडाली आहे.
👉 विशेष जाहिरात | अधिक माहितीसाठी क्लिक करा
दिनांक १७ मे २०२६ रोजी सकाळी सुमारे ६.२० वाजता फिरण्यासाठी बाहेर गेलेल्या प्रवीण साळवे यांना त्यांच्या पत्नीचा फोन आला. घराच्या व्हरांड्यात एक पूर्ण लिंबू आणि एक अर्धवट कापलेले लिंबू पडले असल्याचे पत्नीने सांगितले. त्यानंतर साळवे तातडीने घरी परतले असता घरासमोर ते लिंबू पडलेले दिसून आले.
या घटनेमुळे कुटुंबीयांमध्ये भीतीचे वातावरण निर्माण झाले. संबंधित प्रकार हा जादूटोणा अथवा अघोरी प्रथा करण्याच्या उद्देशाने करण्यात आल्याचा संशय फिर्यादीने व्यक्त केला आहे.
दरम्यान, घरासमोरील CCTV फुटेज तपासण्यात आले असता सकाळी अंदाजे ५.१३ वाजता शेख गणी उर्फ शेख दादू हा घरासमोर लिंबू टाकताना दिसल्याचा दावा फिर्यादीने केला आहे. यानंतर त्यांनी थेट चिखली पोलीस स्टेशन गाठत तक्रार दाखल केली.
चिखली पोलीसांनी या प्रकरणाची गंभीर दखल घेत महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा प्रतिबंधक अधिनियम २०१३ च्या कलम ३(२) अंतर्गत आरोपीविरोधात गुन्हा दाखल केला आहे. या प्रकरणाचा पुढील तपास पोलीस हवालदार मगर करीत आहेत.
या घटनेनंतर मकरध्वज खंडाळा परिसरात विविध चर्चांना उधाण आले असून, सोशल मीडियावरही या प्रकरणाची जोरदार चर्चा सुरू आहे.
संकेत जाधव यांच्या पुढाकाराने तात्काळ कारवाई
या प्रकरणात फिर्यादी प्रवीण साळवे यांनी ऑल इंडिया पँथर सेनेचे विदर्भाध्यक्ष संकेत जाधव यांच्याशी संपर्क साधून संपूर्ण माहिती दिली. घटनेची गंभीरता लक्षात घेत संकेत जाधव यांनी तत्काळ चिखली पोलीस स्टेशन गाठून अधिकाऱ्यांशी चर्चा केली.
यानंतर पोलिसांनी तातडीने कारवाई करत गुन्हा दाखल केल्याची माहिती समोर आली आहे. त्यामुळे संकेत जाधव यांनी फिर्यादीला न्याय मिळवून दिल्याची भावना परिसरात व्यक्त होत आहे.
Related News
- इंधन साठेबाजी आढळली तर थेट परवाना रद्द; जिल्हाधिकाऱ्यांचा पेट्रोल पंप चालकांना इशारा
- कॅनमध्ये पेट्रोल न दिल्याने तलवार-कोयत्यासह पेट्रोल पंपावर दहशत; कर्मचाऱ्यांना मारहाण
- २७० क्विंटल हरभरा घेऊन ट्रक गायब! बुलढाण्यात LCB ची मोठी कारवाई; ५ आरोपी जेरबंद, १८ लाखांचा मुद्देमाल जप्त
हे आवश्यक करा..
दररोजच्या ताज्या, विश्वासार्ह आणि सर्वात आधी मिळणाऱ्या बुलढाणा जिल्ह्यातील बातम्यांसाठी KattaNews.in ला नियमित भेट द्या. तसेच आमचे WhatsApp Channel आणि Facebook Page फॉलो करा.
