विशेष प्रतिनिधी | बुलढाणा २९ जानेवारी २०२६
बुलढाणा जिल्ह्यातील सिंदखेडराजा तालुक्यातील जांभोरा या गावातील पंचक्रोशीत परिचित असलेले ७६ वर्षीय निवृत्त प्राथमिक शिक्षक गंभीरराव गुरुजी खरात यांनी शेतवाट खुली करण्याच्या मागणीसाठी अखेर अन्नत्याग उपोषणाचा मार्ग स्वीकारला आहे. दिनांक २९ जानेवारी रोजी दुपारी १ वाजल्यापासून ते सिंदखेडराजा तहसील कार्यालयासमोर उपोषणास बसले असून प्रशासनाला थेट इशारा दिला आहे.
गेल्या जवळपास दोन वर्षांपासून पुरातन वहिवाटीच्या शेतवाटेचा प्रश्न प्रलंबित असून या संदर्भात त्यांनी तहसीलदार सिंदखेडराजा यांच्याकडे वारंवार अर्ज सादर केले आहेत. मात्र अर्जावर केवळ तारीख पे तारीख सुरू असून आजपर्यंत कोणतीही ठोस कार्यवाही करण्यात आलेली नाही. न्याय मिळत नसल्याने अखेर अन्नत्याग उपोषणाचा निर्णय घेतल्याचे त्यांनी सांगितले.
👉 विशेष जाहिरात | अधिक माहितीसाठी क्लिक करा
संपूर्ण पंचक्रोशीत गंभीरराव गुरुजी यांना ओळखत नाही असे एकही गाव नाही. आयुष्यभर ब्रह्मचर्य स्वीकारून त्यांनी शिक्षण क्षेत्रात प्रामाणिक सेवा बजावली. ज्या ज्या ठिकाणी त्यांनी प्राथमिक शिक्षक म्हणून काम केले, त्या प्रत्येक गावात पालक व विद्यार्थीप्रिय शिक्षक म्हणून त्यांची ओळख निर्माण झाली. त्यांच्या शैक्षणिक कार्यातून अनेक विद्यार्थी घडले असून ते आज विविध क्षेत्रात कार्यरत आहेत.
सेवानिवृत्तीनंतर त्यांनी आपले जीवन अध्यात्म क्षेत्राला समर्पित केले. दरवर्षी जांभोरा गावात तसेच पंचक्रोशीत नगरभोजन व महाप्रसादाचे आयोजन करून सामाजिक बांधिलकी जपली. मात्र वडिलोपार्जित जमिनीतील शेतवाट १२ ऑक्टोबर २०२० पासून अडवल्यामुळे शेती करणे कठीण झाले असून रस्त्याअभावी संपूर्ण शेती कामकाजात अडथळे निर्माण झाले आहेत.
न्याय मिळावा यासाठी त्यांनी महसूल मंत्री, खासदार, मतदारसंघाचे आमदार, महसूल आयुक्त, जिल्हाधिकारी तसेच पोलीस उपविभागीय अधिकारी यांना निवेदनाच्या प्रती पाठविल्या आहेत. तरीही अद्याप कार्यवाही न झाल्याने ७६ व्या वर्षी अन्नत्याग उपोषण करावे लागत असल्याची भावना व्यक्त होत आहे.
हे पण वाचा..
न्यायप्रिय, शिस्तप्रिय आणि आयुष्यभर विद्यार्थी घडवणाऱ्या शिक्षकाला न्यायासाठी उपोषण करावे लागते, ही बाब प्रशासनाच्या संवेदनशीलतेवर प्रश्नचिन्ह उपस्थित करणारी असून संपूर्ण तालुक्यात या आंदोलनाची चर्चा सुरू आहे.
👉 ग्रामीण प्रश्न, प्रशासनिक अन्याय आणि जनआंदोलनाच्या बातम्यांसाठी Kattanews.in ला दररोज भेट द्या.
Related News:
▪ हे धाडस नाही, ही मजबुरी आहे! बाप आजारी म्हणून ई-पीक नोंदीसाठी १४ वर्षांचा मुलगा रात्री शेतात
▪ महिला सक्षमीकरणाची नवी नांदी! बचत गटांना साथ देणाऱ्या पुरुषांचा साखरखेर्ड्यात ‘सुधारक सन्मान’
