वाशिम |१५ जानेवारी २०२६
फळबाग योजनेअंतर्गत मस्टरच्या पैशांसाठी तक्रार करणाऱ्या शेतकऱ्याला कृषी अधिकाऱ्याची मारहाण केल्याचा धक्कादायक प्रकार वाशिम जिल्ह्यातील गोगरी (ता. मंगरूळपीर) येथे उघडकीस आला आहे. शेतकरी मारहाण आणि कृषी अधिकारी मारहाण या गंभीर घटनेचा व्हिडीओ सध्या सोशल मीडियावर मोठ्या प्रमाणावर व्हायरल होत असून, त्यामुळे जिल्हाभर संतापाची लाट उसळली आहे.
फळबाग योजनेतील मस्टरचे पैसे न मिळाल्याने आधीच आर्थिक संकटात सापडलेल्या शेतकऱ्यावर शासकीय अधिकाऱ्याने हात उचलणे ही लोकशाही व्यवस्थेची थट्टा असल्याची तीव्र प्रतिक्रिया शेतकरी वर्गातून व्यक्त होत आहे.
या प्रकरणात संबंधित तालुका कृषी अधिकारी शेतकऱ्यांवर अन्याय करत असल्याचा आरोप होत असून, दोषी अधिकाऱ्यावर तात्काळ निलंबन व कठोर शिस्तभंगाची कारवाई करावी, तसेच पीडित शेतकरी ऋषिकेश पवार यांना न्याय व संरक्षण द्यावे, अशी जोरदार मागणी शेतकरी संघटना व ग्रामस्थांकडून केली जात आहे.
हे पण वाचा..
या घटनेमुळे कृषी विभागाच्या कार्यपद्धतीवर गंभीर प्रश्नचिन्ह निर्माण झाले असून, जिल्हाधिकारी व जिल्हा परिषदेचे मुख्य कार्यकारी अधिकारी यांनी या प्रकरणात तातडीने लक्ष घालावे, अशी अपेक्षा व्यक्त केली जात आहे.
👉 तुमचं मत काय?
शेतकऱ्याला मारहाण करणाऱ्या कृषी अधिकाऱ्यावर कठोर कारवाई व्हावी का? तुमचं मत खाली कमेंटमध्ये नक्की कळवा.
Kattanews.in ला फॉलो करा – ग्रामीण, शेतकरी आणि प्रशासनाशी संबंधित ताज्या बातम्यांसाठी.
