रिसोड |२५ फेब्रुवारी २०२६
रिसोड-साखरा मार्गावरील साखरा फाटा ते चिचांबाभर दरम्यानच्या रस्त्याची अत्यंत दयनीय अवस्था झाल्यामुळे संतप्त नागरिकांनी 24 फेब्रुवारी रोजी सकाळी 9 वाजता अनोख्या पद्धतीने आंदोलन छेडले. आगरवाडी व परिसरातील नागरिकांनी पाण्याच्या टाकीवर चढून “शोले स्टाईल” आंदोलन करत शासन व प्रशासनाचे लक्ष वेधले.
आंदोलनाची तीव्रता लक्षात घेऊन पोलिसांचा मोठा बंदोबस्त तैनात करण्यात आला होता. सकाळी 11 वाजता सार्वजनिक बांधकाम विभागाचे अभियंता जाधव यांनी आंदोलनस्थळी भेट देऊन लेखी आश्वासन दिल्यानंतर आंदोलन स्थगित करण्यात आले.
मात्र, दिलेल्या आश्वासनानुसार रस्त्याची दुरुस्ती झाली नाही तर येत्या 1 मे महाराष्ट्र दिनी तीव्र आंदोलन छेडण्यात येईल, असा इशारा आंदोलकांनी दिला.
या आंदोलनात गंगोत्री वृद्धाश्रमच्या संचालिका अर्चना गाजरे, सचिन इप्पर, आगरवाडीचे सरपंच, ग्रामस्थ व परिसरातील नागरिक मोठ्या संख्येने सहभागी झाले. आंदोलनादरम्यान पोलिस प्रशासनाने परिस्थिती नियंत्रणात ठेवत कोणताही अनुचित प्रकार घडू दिला नाही.
📌 संबंधित बातम्या
👉 तुमच्या परिसरातील समस्या आम्हाला कळवा
स्थानिक बातम्या, समस्या किंवा तक्रारी आम्हाला WhatsApp वर पाठवा.
Kattanews.in – तुमचा विश्वासू स्थानिक आवाज
