कुकसा ग्रामपंचायतीत ₹16 लाखांच्या रस्ते कामात गैरव्यवहार? टेंडरशिवाय काम सुरू, घरकुल योजनेत पैशांची वसुलीचे आरोप

दरम्यान, ग्रामपंचायतीमार्फत राबविण्यात आलेल्या इतर विकासकामांमध्ये बनावट बिले सादर करून आर्थिक गैरव्यवहार झाल्याचा संशयही व्यक्त करण्यात आला आहे. या सर्व कामांचा विशेष लेखापरीक्षण करून आर्थिक व तांत्रिक चौकशी करण्याची मागणी ग्रामस्थांनी केली आहे.

घरकुल योजनेअंतर्गत पात्र लाभार्थ्यांकडून सरपंच व संबंधितांकडून ₹10,000 ते ₹20,000 पर्यंत रक्कम घेतल्याच्या तक्रारी समोर आल्याचेही निवेदनात नमूद करण्यात आले आहे. हा प्रकार अत्यंत गंभीर असून लाभार्थ्यांची फसवणूक झाल्याचा आरोप करण्यात येत आहे.

ग्रामस्थांनी प्रशासनाला इशारा दिला आहे की, तक्रारीची दखल न घेतल्यास लोकशाही मार्गाने तीव्र जनआंदोलन तसेच आमरण उपोषण करण्यात येईल. संबंधित अधिकाऱ्यांनी प्रकरणाची चौकशी करून योग्य ती कारवाई करण्यात येईल, असे सांगितल्याची माहिती मिळाली आहे.