रिसोड पोलिस यांनी अवघ्या सहा तासांत आंतरराज्यीय पंजाब टोळीला पकडले आणि चोरीच्या दोन मोटारसायकली जप्त केल्या. दिनांक 24 नोव्हेंबर 2025 रोजी दुपारी देवगाव फाटा परिसरातून दोन मोटारसायकली चोरी झाल्याची तक्रार प्राप्त होताच रिसोड पोलिसांनी तत्काळ तांत्रिक तपास सुरू केला. रोडवरील सीसीटीव्ही फूटेज तपासून आणि स्थानिक सहकार्याने पोलीस निरीक्षक रामेश्वर चव्हाण यांच्या नेतृत्वाखाली विशेष पथक तयार करून आरोपींचा पाठलाग करण्यात आला.तपासात आढळले की चोरी झालेली वाहनं — एक होंडा युनिकॉर्न (मालक: शेख जफार) व एक बजाज सिटी 100 (मालक: तुळशीराम बाजड) — या दोन्हींची एकूण किंमत ₹1,45,000 आहे. आरोपीांची वाट नांदेडकडे असल्याचे ठरल्यानंतर हिंगोली आणि बाळापूर स्थानिक गुन्हे शाखांनीही संयुक्तपणे पाठलाग सुरू केला आणि अखेर बाळापूर आखाडा हद्दीत तीन आरोपींनी पकडले गेले.अटक केलेले आरोपी पंजाब राज्याचे असून त्यांची नावे — अरविंदसिंग बलविंदरसिंग, बचीतरसिंग सुलख्खनसिंग आणि सरबजीतसिंग अवतारसिंग — अशी नोंद आहे. प्राथमिक चौकशीत हे सर्व आंतरराज्यीय वाहनचोर टोळीचे सक्रिय सदस्य असल्याचे आणि इतरही चोरी प्रकरणांशी त्यांचा संबंध असण्याची शंका व्यक्त करण्यात आली आहे. जप्त केलेल्या वाहने आणि आरोपींसह पुढील कायदेशीर प्रक्रिया सुरू आहे.
👉 विशेष जाहिरात | अधिक माहितीसाठी क्लिक करा
या संपूर्ण ऑपरेशनचे मार्गदर्शन पोलीस अधीक्षक वाशीम श्री. अनुज तारे, अपर पोलीस अधीक्षक श्रीमती लता फड व सहाय्यक पोलीस अधीक्षक श्री नवनीत अग्रवाल यांनी केले. कार्यवाहीत प्रमुख वाटा उचलणाऱ्या अधिकाऱ्यांमध्ये पोलीस निरीक्षक रामेश्वर चव्हाण, सहाय्यक पोलीस निरीक्षक संतोष आघाव, पोलीस उपनिरीक्षक अशोक गिते व सहाय्यक फौजदार संजय घुले यांचा समावेश आहे.
हे पण वाचा.
सरपखेड–धोडप बुद्रुक रस्ता 10 वर्षांपासून खड्ड्यात; नागरिक–शेतकरी त्रस्त, रुग्ण अडकतात… नेते मात्र गायब!
स्थानिक नागरिकांनी रिसोड पोलिसांच्या जलदगती आणि प्रभावी कारवाईचे कौतुक केले असून चोरीच्या वाहनांच्या परतीमुळे मालकांना मोठा दिलासा मिळाला आहे. स्थानिक प्रशासनाचे आणि पोलीस दलाचे एकात्मिक सहकार्य हेच यशाचे कारण असल्याचे स्थानिकांनी म्हटले आहे.
हे पण वाचा.
अनेक जिल्ह्यांत मोटरसायकल चोरी करणारा कुख्यात चोरटा चिखली पोलिसांच्या जाळ्यात; युनिकॉर्न बाइकही हस्तगत
