पिंप्री गवळीत काळजाला चटका! घरातच १५ वर्षीय तरुणीची गळफास घेऊन आत्महत्या

पिंप्री गवळी ता. खामगाव येथील रामदास गोपाल लोखंडे यांचे घर शेतामध्ये असून ते कुटुंबासह तेथेच वास्तव्यास आहेत. २९ डिसेंबर रोजी कुटुंबातील सदस्य घराबाहेर झोपले होते, तर त्यांची मुलगी कु. शृती नितीन लोखंडे (वय १५) ही घरात एकटी झोपली होती.

सकाळी रामदास लोखंडे यांनी घरातील किचनचा दरवाजा उघडून आत पाहिले असता कु. शृती ही टिनपत्र्याच्या लोखंडी अँगलला दोरीच्या साहाय्याने गळफास घेतलेल्या अवस्थेत आढळून आली. ही दृश्य पाहताच कुटुंबीयांना मोठा धक्का बसला.

याप्रकरणी खामगाव ग्रामीण पोलिस ठाण्यात तक्रार दाखल करण्यात आली असून, सदर मृत्यूबाबत कुणावरही संशय नसल्याचे तक्रारीत नमूद करण्यात आले आहे.

पोलिसांनी कलम १९४ नुसार आकस्मिक मृत्यूची नोंद केली असून पुढील तपास खामगाव ग्रामीण पोलिस ठाण्याचे ठाणेदार यांच्या मार्गदर्शनाखाली सुरू आहे.