विशाल गवई/कट्टा न्यूज नेटवर्क
अवैध मार्गाने तोडलेल्या झाडांची वाहतूक करण्यासाठी अश्विनी आपेट हिने तक्रारदाराकडे 30 हजार रुपयांची लाच मागितली होती. त्यापैकी अॅडव्हान्स म्हणून 15 हजार रुपये स्वीकारताना ही कारवाई करण्यात आली. यावेळी तिच्यासोबत लिपिक अमोल मोरे यालाही ताब्यात घेण्यात आले आहे.
अश्विनी आपेट ही 2016 बॅचची रेंज फॉरेस्ट ऑफिसर असून, मागील वर्षीच तिला सहायक वन संरक्षक अधिकारी पदावर बढती मिळाली होती. मात्र बढतीनंतरही तिच्याविरोधात पैशासंबंधी अनेक तक्रारी वरिष्ठ अधिकाऱ्यांकडे करण्यात आल्याची माहिती सूत्रांनी दिली.
👉 विशेष जाहिरात | अधिक माहितीसाठी क्लिक करा
विशेष म्हणजे, या तक्रारी असूनही दीर्घकाळ कोणतीही ठोस कारवाई न झाल्याने वनविभागातील कार्यपद्धतीवर प्रश्नचिन्ह निर्माण झाले आहे. अखेर ACB ने पुढाकार घेत सापळा रचून ही मोठी कारवाई केली.
सूत्रांच्या माहितीनुसार, अश्विनी आपेट ही बुलढाणा वनविभागात लाचखोर अधिकारी म्हणून ओळखली जात होती. हाताखालच्या कर्मचाऱ्यांवर पैसे गोळा करण्यासाठी दबाव टाकल्याच्या तक्रारीही समोर येत आहेत.
सध्या ACF अश्विनी आपेट आणि लिपिक अमोल मोरे यांची लाचलुचपत प्रतिबंधक विभागाकडून सखोल चौकशी सुरू असून, या प्रकरणात आणखी कोणाची नावे पुढे येतात का याकडे संपूर्ण जिल्ह्याचे लक्ष लागले आहे.
KattaNews.in ला Follow करा.
हे पण वाचा…
