पळसखेड चक्का येथे महाजल योजनेचा फज्जा! नळ कोरडे, महिलांची पाण्यासाठी वणवण

सिंदखेडराजा |२ मार्च २०२६

पळसखेड चक्का महाजल योजना ठप्प झाल्याने संपूर्ण गावात तीव्र पाणी समस्या निर्माण झाली आहे. महाजल योजना असूनही नळांना पाणी येत नसल्यामुळे ग्रामस्थ संतप्त झाले आहेत. सिंदखेडराजा तालुक्यातील पळसखेड चक्का येथे लाखो रुपयांचा निधी खर्चून उभारलेली महाजल योजना सध्या पूर्णपणे कोलमडली असून नियमित पाणीपुरवठा बंद पडल्याची गंभीर परिस्थिती आहे. महिलांना व नागरिकांना पाण्यासाठी विहीर, बोअरवेल आणि इतर ठिकाणी भटकंती करावी लागत आहे.