नोकरीच्या नावाखाली दीड लाखांची फसवणूक; बुलढाण्यात सेवानिवृत्त नागरिकाची आर्थिक लूट

सुंदरखेड येथील रहिवासी विलास हरिभाऊ मानवतकर (वय ६०) यांनी बुलढाणा शहर पोलिस ठाण्यात दिलेल्या तक्रारीनुसार, मार्च २०२४ मध्ये आरोपी अंकित (अनिकेत) किरण मोहोड (रा. अकोला) याने आयुष्मान भारत मिशन अंतर्गत खासगी तत्त्वावर आरोग्य सेवक पदावर नोकरी लावून देण्याचे आमिष दाखवले. नोकरी फसवणूक प्रकरणात विश्वास संपादन करत आरोपीने मानवतकर यांचा मुलगा अमित याची शैक्षणिक कागदपत्रे स्वतःकडे घेतली.

सुरुवातीला आरोपीने नोकरीसाठी तब्बल १० लाख रुपयांची मागणी केली होती. तडजोडीनंतर नियुक्तिपत्र मिळाल्यानंतर उर्वरित रक्कम देण्याचे ठरले. त्यानुसार ८ आणि १५ मार्च रोजी फोन पेच्या माध्यमातून टप्प्याटप्प्याने एकूण १ लाख ५० हजार रुपये आरोपीच्या खात्यावर पाठविण्यात आले.

मात्र, २७ मार्च रोजी संबंधित कार्यालयात चौकशी केल्यानंतर देण्यात आलेले नियुक्तिपत्र पूर्णपणे बनावट असल्याचे उघड झाले. यानंतर रक्कम परत मागितली असता आरोपीने वेळकाढूपणा करत अखेर संपर्क तोडला. त्यामुळे सेवानिवृत्त नागरिकाची फसवणूक झाल्याचे निष्पन्न झाले.

या नोकरी फसवणूक बुलढाणा प्रकरणी आरोपीविरुद्ध फसवणूक व बनावट दस्तऐवज तयार केल्याच्या विविध कलमांन्वये गुन्हा दाखल करण्यात आला आहे. पुढील तपास पोलिस उपनिरीक्षक शशिकांत धारकरी करीत आहेत.