चिखली | १० मार्च २०२६
तालुक्यातील मेरा बुद्रुक येथे विद्युत तारेच्या शॉर्टसर्किटमुळे गव्हाच्या पिकाला अचानक आग लागल्याची घटना सोमवारी (९ मार्च) सकाळी घडली. शेतकऱ्यांनी समयसूचकता दाखवत धाव घेतल्यामुळे मोठा अनर्थ टळला असून सुमारे २५ ते ३० एकर गव्हाचा पट्टा वाचला. मात्र काही पिकाचे नुकसान झाले आहे.
मेरा बुद्रुक येथील पिंपळगाव सोनारा रोडजवळील गोटी शिवार भागात मदन पडघान यांच्या शेतात किशोर पडघान यांनी सुमारे चार एकर गहू पेरला होता. शेतामधील बेहड्याच्या झाडाजवळून गेलेल्या विद्युत तारेचा झाडाच्या फांद्यांशी घर्षण होऊन अचानक शॉर्टसर्किट झाले. यामुळे उडालेल्या ठिणग्या गव्हाच्या पिकावर पडल्याने आग लागली.
👉 विशेष जाहिरात | अधिक माहितीसाठी क्लिक करा
ही घटना शेजारी असलेल्या प्रवीण पडघान, हर्षल पडघान, जय पडघान आणि कल्पना पडघान यांच्या लक्षात आली. त्यांनी तत्काळ आरडाओरडा करत इतर शेतकऱ्यांना बोलावले. आसपासच्या शेतातील शेतकरी घटनास्थळी धावून आले आणि झाडांच्या फांद्यांच्या साहाय्याने आग विझवण्याचा प्रयत्न सुरू केला.
दरम्यान काही शेतकऱ्यांनी विहिरीवरील मोटर सुरू करून पाण्याच्या मदतीने आग नियंत्रणात आणण्याचा प्रयत्न केला. अखेर शेतकऱ्यांच्या अथक प्रयत्नांमुळे आग आटोक्यात आली.
या आगीत सुमारे १० ते १५ गुंठे गव्हाचे पीक जळून नुकसान झाले. विशेष म्हणजे या शेताच्या चारही बाजूंना सुमारे २५ ते ३० एकर गव्हाचा सलग पट्टा होता. वेळेत आग विझवली नसती तर मोठ्या प्रमाणात नुकसान झाले असते.
दरम्यान, महावितरण कंपनीने विद्युत तारेजवळील झाडांच्या फांद्या वेळेत छाटल्या असत्या तर ही घटना टळली असती, असा आरोप शेतकऱ्यांनी केला आहे. नुकसानग्रस्त शेतकऱ्याला शासनाकडून आर्थिक मदत द्यावी तसेच भविष्यात अशा घटना टाळण्यासाठी विद्युत लाईनची नियमित देखभाल करावी, अशी मागणी शेतकऱ्यांकडून करण्यात येत आहे.
📢 Related News
- मेहकरमध्ये पोलिस नाईकाची विहिरीत उडी मारून आत्महत्या
- दारूड्या भावाच्या मित्राला घरी जा म्हटल्याने सख्ख्या भावाचा खून
- शिक्षक पत्नीच्या खूनप्रकरणात पती अटकेत
👉 अधिक स्थानिक व ब्रेकिंग बातम्यांसाठी
Kattanews.in ला नियमित भेट द्या आणि आपल्या परिसरातील सर्वात विश्वासार्ह बातम्या सर्वप्रथम वाचा.
