मलकापूर /प्रवीण गरुडे
Malkapur crime auto driver murder प्रकरणामुळे परिसरात एकच खळबळ उडाली आहे. शिवणी-तळसवाडा रस्त्यावर एका तरुण ऑटोचालकाची निर्घृण हत्या झाल्याची धक्कादायक घटना गुरुवारी (दि. ८ जानेवारी २०२६) सकाळी उघडकीस आली. अमोल भाऊराव भवरे (वय ३५, रा. धरणगाव, ता. मलकापूर, जि. बुलढाणा) असे मृत तरुणाचे नाव असून, गळा आवळून त्याचा खून करण्यात आल्याचा प्राथमिक संशय पोलिसांनी व्यक्त केला आहे.
गुरुवारी सकाळी सुमारे ७ वाजता तळसवाडा-शिवणी रस्त्यालगत राजू रजनिकांत नारखेडे यांच्या शेताच्या कडेला एका व्यक्तीचा मृतदेह पडल्याचे आढळून आले. अजय अनिल गायकवाड (रा. निंबोळी) यांनी ही बाब गावकऱ्यांच्या निदर्शनास आणून दिल्यानंतर नातेवाईक व ग्रामस्थांनी घटनास्थळी धाव घेतली. पाहणी केली असता मृतदेह अमोल भवरे यांचाच असल्याचे निष्पन्न झाले.
घटनेची माहिती मिळताच मलकापूर एमआयडीसी पोलिसांनी घटनास्थळी पोहोचून पंचनामा केला. मृतदेह उत्तरीय तपासणीसाठी शासकीय रुग्णालय, मलकापूर येथे पाठविण्यात आला. प्राथमिक तपासात मृतकाच्या गळ्यावर गळा आवळल्याच्या खुणा आढळून आल्याने हा घातपाताचा प्रकार असल्याचा संशय अधिक बळावला आहे.
या प्रकरणी मृतकाचे नातेवाईक विजय प्रभाकर भवरे (वय ४९, रा. शिवणी) यांनी तोंडी फिर्याद दिली असून, मृत्यूबाबत सखोल चौकशी करून दोषींवर कठोर कारवाई करण्याची मागणी करण्यात आली आहे. मलकापूर एमआयडीसी पोलीस ठाण्यात अकस्मिक मृत्यूची नोंद करण्यात आली असून, सहायक पोलीस उपनिरीक्षक विजय टेकाडे यांच्या मार्गदर्शनाखाली पुढील तपास सुरू आहे.
हे पण वाचा..
दरम्यान, खुनामागील नेमके कारण अद्याप स्पष्ट झालेले नाही. परिसरातील सीसीटीव्ही फुटेज, मृतकाचे शेवटचे संपर्क, तसेच वैयक्तिक किंवा व्यावसायिक वादाच्या शक्यतेच्या दृष्टीने पोलिसांकडून सखोल तपास सुरू आहे. या घटनेमुळे शिवणी-तळसवाडा परिसरात भीतीचे वातावरण निर्माण झाले आहे.
👉 अशाच ताज्या, सत्य आणि विश्वासार्ह बातम्यांसाठी Kattanews.in ला दररोज भेट द्या.
- लाडकी बहिणी योजनेचा गैरवापर उघड! बुलढाण्यात Ladki Bahin Yojana प्रकरणी सहा कर्मचाऱ्यांकडून 99 हजारांची वसुली
- lonar lake:लोणार सरोवरातील जलपातळी धोक्याच्या टप्प्यावर !कमळजा मातेच्या मुखवट्याला पाण्याचा स्पर्श
- दिव्यांग दाम्पत्यावर कोसळले दुःख! आव्हा शिवारात शेतात करंट लागून ५२ वर्षीय महिला मजूराचा मृत्यू.
