विशाल गवई/प्रतिनिधी:
राष्ट्रीय खाद्य तेल अभियानांतर्गत शेतकऱ्यांना तिळाचे बियाणे १०० टक्के अनुदानावर उपलब्ध करून देण्यास सुरुवात झाली आहे. शेतकऱ्यांना तिळाचे बियाणे हेक्टरी २.५ किलो प्रमाणात दिले जाणार असून या तिळाचे बियाणे वाटपामुळे उत्पन्न वाढविण्यास मोठी मदत होणार आहे. इच्छुक शेतकऱ्यांनी AgriStack नोंदणी करून या तिळाचे बियाणे योजनेचा लाभ घेण्यासाठी ऑनलाइन अर्ज करणे आवश्यक आहे.
राष्ट्रीय खाद्य तेल अभियानाचा उद्देश देशातील खाद्यतेल आयात कमी करणे, तेलबिया उत्पादन वाढवणे आणि शेतकऱ्यांना उच्च दर्जाचे बियाणे उपलब्ध करून देणे हा आहे. या योजनेअंतर्गत बुलढाणा जिल्ह्यासाठी केंद्र सरकारमार्फत प्रमाणित बियाण्यांचे वाटप केले जात आहे.
या योजनेत प्रति लाभार्थी किमान 0.20 हेक्टर आणि कमाल 1 हेक्टर क्षेत्रासाठी अनुदान मिळू शकते. पॅकिंग साईजनुसार वितरण होईल. जर पॅकेजिंगमुळे शेतकऱ्याला क्षेत्रापेक्षा जास्त बियाणे मिळाले, तर त्यातील अतिरिक्त रक्कम स्वतःला भरावी लागेल.
ऑनलाइन अर्जासाठी शेतकऱ्यांची AgriStack नोंदणी अनिवार्य आहे. अर्ज https://mahadbt.maharashtra.gov.in या वेबसाइटवरील कृषी विभागातील ‘प्रमाणित बियाणे वितरण’ टॅबद्वारे करता येईल.
निवड प्रक्रिया: प्रथम अर्ज — प्रथम प्राधान्य.
