बुलढाणा प्रतिनिधी/भागवत गायकवाड
ऋतुजा सावळे ही राजर्षी शाहू महाराज आयुर्वेद महाविद्यालय, बुलढाणा येथे प्रथम वर्षात शिक्षण घेत होती. आई-वडिलांचे डॉक्टर होण्याचे स्वप्न साकार करण्यासाठी ती अथक परिश्रम घेत होती. नुकताच तिला आयुर्वेद महाविद्यालयात प्रवेश मिळाल्याने कुटुंबात आनंदाचे वातावरण होते.
ऋतुजाचे वडील गणेश सावळे यांनी मुलीला डॉक्टर बनवण्यासाठी परदेशात शिक्षण देण्याचीही तयारी ठेवली होती. मात्र, नियतीला काही वेगळेच मान्य होते. एका क्षणात संपूर्ण कुटुंबावर दुःखाचा डोंगर कोसळला.
या दुर्दैवी अपघातानंतर वाहतूक अराजकता, बेदरकार वाहनचालक आणि अपुरी रस्ते सुरक्षा यावर तीव्र संताप व्यक्त केला जात आहे. एका होतकरू विद्यार्थिनीचा बळी जाणे ही केवळ दुर्घटना नसून प्रशासनाच्या निष्काळजीपणाचे द्योतक असल्याची भावना नागरिकांमध्ये व्यक्त होत आहे.
ऋतुजाच्या मृत्यूने डोंगरशेवलीसह संपूर्ण बुलढाणा जिल्ह्यात शोककळा पसरली आहे. मित्रपरिवार, शिक्षक, सहकारी विद्यार्थी आणि नातेवाईकांनी अश्रूंनी निरोप दिला. सोशल मीडियावरही ऋतुजा सावळे दुचाकी अपघात प्रकरणावर हळहळ व्यक्त केली जात आहे.
