सिंदखेड राजा (बुलढाणा) |४ मार्च २०२६ :
विदर्भ तलाठी संघ, नागपूर-२ उपविभाग शाखा सिंदखेड राजाची वार्षिक आमसभा २८ फेब्रुवारी २०२६ रोजी जिजाऊ सृष्टी येथे उत्साहात पार पडली. या वार्षिक सभेत सर्वाधिक चर्चेचा विषय ठरला तो म्हणजे आनंदसिंग राजपूत यांची सलग सहाव्यांदा बिनविरोध तालुका अध्यक्षपदी निवड. महसूल विभागातील कर्मचारी संघटनांमध्ये सातत्य, विश्वास आणि नेतृत्व या बाबतीत राजपूत यांनी पुन्हा एकदा आपले वर्चस्व सिद्ध केले आहे.
उपविभाग सिंदखेड राजाचे मावळते अध्यक्ष पंढरीनाथ जायभाये यांच्या अध्यक्षतेखाली पार पडलेल्या या सभेत सन २०२६-२७ या वर्षासाठी नवीन उपविभागीय कार्यकारिणी जाहीर करण्यात आली. यामध्ये शिवानंद सानप यांची अध्यक्षपदी, हांडे साहेब यांची उपाध्यक्षपदी तर वसुदेव जायभाये यांची सचिवपदी सर्वानुमते निवड झाली.
👉 विशेष जाहिरात | अधिक माहितीसाठी क्लिक करा
सिंदखेड राजा तालुका कार्यकारिणीत आनंदसिंग राजपूत यांच्यासह श्रीमती अंजना गिरणारे (उपाध्यक्ष) आणि विलास कटारे (सचिव) यांची निवड जाहीर करण्यात आली. देऊळगाव राजा तालुका कार्यकारिणीच्या अध्यक्षपदी संजय बरांडे, उपाध्यक्षपदी तेजस शेटे आणि सचिवपदी सुमित जाधव यांची निवड करण्यात आली.
या सभेला जिल्हाध्यक्ष विजेंद्रजी धोंडगे, जिल्हा सचिव शिवानंदजी वाकदकर, माजी जिल्हा सचिव राजे भागवत जाधव आणि माजी तालुका अध्यक्ष गजानन सांगळे यांची प्रमुख उपस्थिती होती. मान्यवरांनी आपल्या मार्गदर्शनात तलाठी संवर्गाच्या प्रलंबित मागण्या, वेतनविषयक प्रश्न आणि महसूल विभागातील कामकाज सुधारण्यासाठी संघटना अधिक सक्षम करण्याचे आवाहन केले.
कार्यक्रमाचे सूत्रसंचालन नवनियुक्त सचिव वसुदेव जायभाये यांनी केले. उपविभागातील सर्व आजी-माजी पदाधिकारी व तलाठी बांधवांच्या उपस्थितीत कार्यक्रमाची यशस्वी सांगता झाली.
👉 अधिक स्थानिक आणि ब्रेकिंग बातम्यांसाठी Kattanews.in ला भेट द्या.आमच्या बातम्या पाहण्यासाठी वेबसाईट नियमित वाचा आणि शेअर करा.
Related News
