अवैध रेती वाहतुकीवर अंढेरा पोलिसांनी मोठी कारवाई करत दोन टिप्पर पकडले आहेत. वाकी बुद्रुक फाट्यावर पेट्रोलिंगदरम्यान पोलिसांनी ही कारवाई केली. दोन्ही टिप्परची तपासणी केली असता प्रत्येकी ४ ब्रास याप्रमाणे एकूण ८ ब्रास अवैध रेती आढळून आली. दोन टिप्पर आणि रेती असा सुमारे ४० लाख ४८ हजार रुपयांचा मुद्देमाल पोलिसांनी ताब्यात घेतला आहे. या प्रकरणी दोन्ही टिप्पर चालकांविरुद्ध अंढेरा पोलीस ठाण्यात स्वतंत्र गुन्हे दाखल करण्यात आले आहेत.
२५ ऑगस्ट रोजी सकाळी सुमारे ७.२० वाजता अंढेरा पोलिसांचे पथक परिसरात पेट्रोलिंग करत होते. यावेळी वाकी बुद्रुक फाट्याजवळ देऊळगाव महीकडून येणारे पांढऱ्या रंगाचे दोन टिप्पर पोलिसांच्या निदर्शनास आले.
पोलिसांनी इशारा करून दोन्ही टिप्पर थांबवले. त्यानंतर वाहनांची तपासणी केली असता दोन्ही टिप्परमध्ये रेती आढळून आली. तपासणीमध्ये प्रत्येक टिप्परमध्ये ४ ब्रास अशा एकूण ८ ब्रास रेतीची अवैध वाहतूक केली जात असल्याचे समोर आले.
पहिल्या प्रकरणात टिप्पर क्रमांक MH 13 DQ 5278 चा चालक नितीन संजन इंगळे (वय २९, रा. भानखेड, ता. चिखली) याच्याविरुद्ध कारवाई करण्यात आली. तर दुसऱ्या प्रकरणात टिप्पर क्रमांक MH 28 CF 8952 चा चालक सतीश चिंधाजी सरोदे (वय ३५, रा. नागणगाव, ता. देऊळगाव राजा) याच्याविरुद्ध गुन्हा दाखल करण्यात आला आहे.
दोन्ही प्रकरणांत भारतीय न्याय संहिता कलम ३०३ (२) तसेच महाराष्ट्र जमीन महसूल संहिता १९६६ मधील कलम ४८ (७) (८) अन्वये कारवाई करण्यात आली आहे.
या कारवाईत दोन टिप्पर आणि त्यामधील एकूण ८ ब्रास अवैध रेती असा सुमारे ४० लाख ४८ हजार रुपयांचा मुद्देमाल पोलिसांनी ताब्यात घेतला आहे.
ही कारवाई प्रभारी ठाणेदार भरत चपाईतकर, उपनिरीक्षक दिनेश घुगे, नितीन पुसे आणि अमोल रोरे यांच्या पथकाने केली. या प्रकरणाचा पुढील तपास एएसआय गणेश देढे करीत आहेत.
📲 अंढेरा आणि बुलढाणा जिल्ह्यातील ताज्या बातम्या WhatsApp वर मिळवा
स्थानिक बातम्या, ताजे अपडेट्स आणि महत्त्वाच्या घडामोडी सर्वात आधी मिळवण्यासाठी आमच्या WhatsApp ग्रुपमध्ये सहभागी व्हा.
📢 तुमच्या परिसरातील बातमी आमच्यापर्यंत पोहोचवा
बुलढाणा जिल्ह्यातील ताज्या बातम्या, पोलिस कारवाई आणि स्थानिक घडामोडींसाठी KattaNews.in वरील संबंधित बातम्या वाचा.
