शेगाव |विशाल गवई
बुलढाणा जिल्ह्यातील शेगाव येथे बालकामगारांविरोधात प्रशासनाने मोठी कारवाई करत दोन आस्थापनांमधून तीन बाल व किशोरवयीन कामगारांची मुक्तता केली आहे. या प्रकरणी संबंधित आस्थापनाधारकांविरुद्ध शेगाव शहर पोलीस ठाण्यात गुन्हे दाखल करण्यात आले असून बालकामगारांना रोजगार देणाऱ्यांविरोधात प्रशासनाने कठोर भूमिका घेतल्याचे स्पष्ट झाले आहे.
महाराष्ट्रातील ताज्या, विश्वासार्ह आणि सर्वात वेगवान बातम्या मिळवण्यासाठी KattaNews WhatsApp Group आजच जॉईन करा.
बालकामगार व किशोरवयीन कामगार (प्रतिबंध व नियमन) अधिनियम, 1986 (सुधारणा 2016) अंतर्गत जिल्हाधिकारी यांच्या नियंत्रणाखाली कार्यरत कृतीदलाने 28 जुलै रोजी शेगाव शहरात विशेष धाडसत्र राबविले. या कारवाईदरम्यान खामगाव रोडवरील इंडियन मोटर गॅरेजमध्ये एक बालकामगार काम करत असल्याचे निदर्शनास आले. त्याचप्रमाणे महाराष्ट्र स्प्रिंग पार्ट अँड वेल्डिंग वर्क्स या आस्थापनामध्ये दोन किशोरवयीन कामगार कार्यरत असल्याचे आढळून आले.
कृतीदलाने तातडीने तिन्ही बाल व किशोरवयीन कामगारांची मुक्तता केली. त्यानंतर संबंधित आस्थापनाधारकांविरुद्ध शेगाव शहर पोलीस ठाण्यात गुन्हे दाखल करण्यात आले. प्रशासनाने अशा प्रकारच्या प्रकरणांवर कठोर कारवाई सुरूच राहणार असल्याचे स्पष्ट केले आहे.
कामगार विभागाच्या माहितीनुसार, बालकामगार किंवा किशोरवयीन कामगारांना बेकायदेशीररीत्या कामावर ठेवणे हा गंभीर आणि दंडनीय गुन्हा आहे. बालकामगार आढळल्यास कोणताही नागरिक, पोलीस अधिकारी किंवा सरकारी अधिकारी संबंधित विभागाला माहिती देऊ शकतो. अधिनियमाच्या कलम 14 अंतर्गत दोषी आस्थापनाधारकांवर दंडात्मक कारवाईची स्पष्ट तरतूद करण्यात आली आहे.
बालकामगारमुक्त समाज निर्माण करण्यासाठी प्रत्येक नागरिकाने पुढाकार घेण्याची गरज असल्याचे आवाहन सरकारी कामगार अधिकारी, बुलढाणा यांनी केले आहे. कोणत्याही परिस्थितीत बालकामगारांना रोजगार देऊ नये आणि अशी माहिती त्वरित प्रशासनापर्यंत पोहोचवावी, असेही त्यांनी नमूद केले.
ही कारवाई कामगार उपआयुक्त चंद्रकांत राऊत (अमरावती) आणि सहाय्यक कामगार आयुक्त राहुल काळे (अकोला) यांच्या मार्गदर्शनाखाली कामगार अधिकारी शैलेश देशमुख यांच्या नेतृत्वात पार पडली. या मोहिमेत दुकाने निरीक्षक, महिला व बालविकास विभाग, कामगार विभागाचे कर्मचारी तसेच शेगाव शहर पोलीस ठाण्याच्या पथकाने सक्रिय सहभाग घेतला.
Related News
- घर बंद… अन् काही तासांतच लाखोंचा डल्ला! देऊळगाव राजात भरदिवसा धक्कादायक घरफोडी; २.३६ लाखांचा ऐवज लंपास
- बुलढाणा: PCR मध्ये वाढ न करण्यासाठी ₹5 हजारांची लाच घेताना बीबी पोलीस ठाण्याचा हेडकॉन्स्टेबल रंगेहात जेरबंद
- बुलढाणा जिल्ह्यातील 25 प्रसिद्ध पर्यटन स्थळे; इतिहास, निसर्ग आणि अध्यात्माचा अनोखा संगम
- गुन्हे व प्रशासनाशी संबंधित ब्रेकिंग न्यूज
टीप : महाराष्ट्रातील ताज्या, विश्वासार्ह आणि सर्वात वेगवान बातम्यांसाठी KattaNews.in ला नियमित भेट द्या.
