KattaNews नवीन जाहिरात KattaNews जाहिरात KattaNews जाहिरात
हवामानबाजारभावशासन निर्णयनिवडणूकक्राईमनोकरीयोजनाफायनान्सलाइफस्टाइलगुंतवणूकऑटोएआयखेळआध्यात्मिकसिनेमा

हिवरा आश्रमात चोरट्यांचा धुमाकूळ! १२ दिवसांत तिसरी चोरी; दिवसाढवळ्या घरफोडीत ६५ हजारांचा मुद्देमाल लंपास

On: July 5, 2026 1:43 PM
Follow Us:
हिवरा आश्रम येथे दिवसाढवळ्या घरफोडीत ६५ हजारांचा मुद्देमाल चोरीला; तपासासाठी घटनास्थळी पोलीस, श्वान पथक आणि ठसे तज्ज्ञ

साखरखेर्डा | समाधान सरकटे

KattaNews जाहिरात 1
बुलढाणा जिल्ह्यातील हिवरा आश्रम येथे दिवसाढवळ्या झालेल्या घरफोडीच्या घटनेने परिसरात खळबळ उडाली आहे. अज्ञात चोरट्यांनी बंद घराचे कुलूप तोडून घरात प्रवेश करत सोन्याचे मंगळसूत्र आणि रोख रक्कम असा एकूण ६५ हजार रुपयांचा मुद्देमाल लंपास केला. विशेष म्हणजे, अवघ्या १२ दिवसांत हिवरा आश्रमातील ही तिसरी चोरी असल्याने नागरिकांमध्ये भीतीचे वातावरण निर्माण झाले असून पोलिसांनी आरोपींचा शोध घेण्यासाठी तपासाची चक्रे वेगाने फिरवली आहेत.

KattaNews जाहिरात 2

साखरखेर्डा पोलीस ठाण्याच्या हद्दीतील हिवरा आश्रम येथील शेळके लेआउटमध्ये अमोल अरविंद नरवाडे यांचे घर आहे. १ जुलै रोजी दुपारी त्यांच्या आई नातीला शाळेतून आणण्यासाठी घराला कुलूप लावून गेल्या होत्या. याच संधीचा फायदा घेत अज्ञात चोरट्यांनी कुलूप तोडून घरात प्रवेश केला.

KattaNews जाहिरात 3

घरातील लोखंडी कपाटाचा दरवाजा वाकवून त्यामधील ड्रॉवरमध्ये ठेवलेले सुमारे १० ग्रॅम वजनाचे सोन्याचे मंगळसूत्र (अंदाजे किंमत ३० हजार रुपये) तसेच ३५ हजार रुपयांची रोख रक्कम असा एकूण ६५ हजार रुपयांचा मुद्देमाल चोरट्यांनी लंपास केला.

KattaNews जाहिरात 4

या प्रकरणी अमोल अरविंद नरवाडे यांनी साखरखेर्डा पोलीस ठाण्यात तक्रार दाखल केली असून अज्ञात चोरट्यांविरुद्ध भारतीय न्याय संहिता (BNS) कलम ३०५(अ) व ३३१(३) घटनेची माहिती मिळताच बुलढाणा येथील श्वान पथक, ठसे तज्ज्ञ पथक आणि मोबाईल फॉरेन्सिक व्हॅनला घटनास्थळी पाचारण करण्यात आले. श्वानाने परिसरात शोध घेतला, मात्र कोणताही ठोस धागादोरा मिळाला नाही. पोलिसांकडून तांत्रिक पुरावे आणि स्थानिक माहितीच्या आधारे तपास सुरू आहे.अन्वये गुन्हा दाखल करण्यात आला आहे. ठाणेदार युवराज रबडे यांच्या मार्गदर्शनाखाली बीट जमादार कडुबा डोईफोडे पुढील तपास करत आहेत.

घटनेची माहिती मिळताच बुलढाणा येथील श्वान पथक, ठसे तज्ज्ञ पथक आणि मोबाईल फॉरेन्सिक व्हॅनला घटनास्थळी पाचारण करण्यात आले. श्वानाने परिसरात शोध घेतला, मात्र कोणताही ठोस धागादोरा मिळाला नाही. पोलिसांकडून तांत्रिक पुरावे आणि स्थानिक माहितीच्या आधारे तपास सुरू आहे.

दरम्यान, हिवरा आश्रमात सलग घडणाऱ्या चोरीच्या घटनांमुळे नागरिकांमध्ये भीती आणि संतापाचे वातावरण आहे. काही दिवसांपूर्वी ग्रामीण रुग्णालयातील परिचारिकेच्या निवासस्थानातून सोन्याचा दागिना, चांदीची चैन आणि रोख रक्कम चोरीला गेली होती. त्यानंतर गावातील एका नागरिकाची हिरो होंडा स्प्लेंडर दुचाकी चोरीला गेली, तर दुसऱ्या घरातून १५ हजार रुपयांची रोकड चोरट्यांनी लंपास केली होती.

या तीन घटनांमध्ये मिळून सुमारे १ लाख ५८ हजार रुपयांचा मुद्देमाल चोरीला गेला आहे. वाढत्या चोरीच्या घटनांमुळे ग्रामस्थांनी पोलिसांनी विशेष मोहीम राबवून अज्ञात चोरट्यांना तातडीने अटक करावी, अशी मागणी केली आहे.

📢 KattaNews.in वाचत राहा

बुलढाणा, विदर्भ आणि महाराष्ट्रातील ताज्या, विश्वासार्ह आणि सर्वात वेगवान बातम्या मिळवण्यासाठी KattaNews.in ला दररोज भेट द्या. ही बातमी आपल्या मित्र आणि नातेवाईकांपर्यंत नक्की शेअर करा.

Related News

 

समाधान सरकटे

समाधान सरकटे हे सिंदखेडराजा येथील प्रतिनिधी असून महाराष्ट्र राज्यातील ग्रामीण भागातील सामाजिक, कृषी, प्रशासनिक व विकासात्मक घडामोडींचे राज्यस्तरावर वार्तांकन करतात. त्यांना ७ वर्षांचा पत्रकारितेचा अनुभव असून शेतकरी प्रश्न, ग्रामपंचायत, ग्रामीण विकास योजना व स्थानिक प्रशासनाशी संबंधित बातम्यांवर त्यांचा विशेष भर आहे. ग्रामीण वास्तव अचूकपणे मांडणाऱ्या त्यांच्या बातम्यांना वाचकांचा मोठा विश्वास आहे.

Join WhatsApp

Join Now

Join Telegram

Join Now

हे पण वाचा

खडकपूर्णा प्रकल्पातील शेतीच्या मोटारी बंद करण्याच्या प्रयत्नाला विरोध करणारे शेतकरी

आधी अवैध रेती उपसा बंद करा, मगच मोटारी बंद करा! खडकपूर्णा प्रकल्पावर शेतकऱ्यांचा अधिकाऱ्यांना इशारा

अमडापूर शिवारात गोठ्यात सुरू असलेल्या अवैध गर्भलिंग निदान प्रकरणात तीन जिल्ह्यांच्या पीसीपीएनडीटी पथकाची संयुक्त कारवाई

अमडापुरात गोठ्यात सुरू होता अवैध गर्भलिंग निदानाचा प्रकार! तीन जिल्ह्यांच्या पथकाची संयुक्त कारवाई; पिता-पुत्रासह तिघांना अटक

घाटबोरी येथे चोरीला गेलेले सोयाबीनचे कट्टे

घाटबोरीत शेतकऱ्याला मोठा फटका! गोडाउनबाहेरचे १६ कट्टे सोयाबीन चोरीला

साखरखेर्डा येथील गायखेडी तलावातून अवैध पाणी उपशावर कारवाई करताना महसूल अधिकारी

साखरखेर्ड्यात महसूल विभागाची धडक कारवाई; गायखेडी तलावातून पाणी उपसा करणारे १० मोटारपंप जप्त

चिखली नगरपरिषदेच्या प्रस्तावित बॉम्बे मार्केट BOT प्रकल्पाशी संबंधित बाजारपेठ

पाच मिनिटांत २१ विषय मंजूर? चिखली नगरपरिषदेच्या सभेवर विरोधकांचे गंभीर आक्षेप

साखरखेर्डा परिसरातील पाझर तलाव आणि वन्यजीवांसाठी पाणीसाठ्याचा प्रश्न

साखरखेर्डा परिसरात पाझर तलावांचा पाणीसाठा धोक्यात! वन्यप्राण्यांची पाण्यासाठी भटकंती, उपसा मात्र सुरूच

Leave a comment