खामगाव |कट्टा न्यूज नेटवर्क
खामगावातील भरधाव कार अपघाताने शहर हादरले असून मध्यरात्री दोन सुरक्षा रक्षकांचा दुर्दैवी मृत्यू झाला आहे. नांदुरा रोडवरील या भीषण वॅगनार अपघाताची घटना सीसीटीव्हीत कैद झाली असून पोलिसांनी आरोपी चालकाला अटक केली आहे. भरधाव वेगातील कारने रोडलगत ड्युटीवर बसलेल्या दोन्ही सुरक्षारक्षकांना जोरदार धडक दिल्याने त्यांचा जागीच मृत्यू झाला. या घटनेनंतर परिसरात भीती आणि संतापाचे वातावरण निर्माण झाले आहे.
👉 विशेष जाहिरात | अधिक माहितीसाठी क्लिक करा
या अपघातानंतर परिसरात एकच खळबळ उडाली. रात्रीच्या शांततेत अचानक झालेल्या या भीषण धडकेने स्थानिक नागरिक हादरले. सकाळपासून शहरभर या घटनेची चर्चा सुरू होती. सुरुवातीला कारमध्ये महिला असल्याची चर्चा रंगली होती. मात्र, सीसीटीव्ही फुटेज आणि पोलिस तपासातून प्रितपालसिंग अमरजितसिंग संधू (वय ५४) हा कार चालवत असल्याचे स्पष्ट झाले.
मिळालेल्या माहितीनुसार, आरोपी चालक प्रितपालसिंग संधू हे लग्न समारंभातून घरी परतत होते. त्याचदरम्यान हा भीषण अपघात घडल्याचे सांगण्यात येत आहे. पोलिसांनी घटनास्थळावरील सीसीटीव्ही फुटेज तपासून कारचा शोध घेतला आणि काही वेळातच वाहन जप्त करत चालकाला अटक केली.
या प्रकरणी राजेंद्र किसन शेगोकार यांनी खामगाव शहर पोलिस ठाण्यात तक्रार दाखल केली. त्यावरून आरोपी चालकाविरुद्ध भारतीय न्यायसंहितेच्या कलम १०६(१), १२५(अ)(ब), २८१ तसेच मोटार वाहन कायद्याच्या कलम १२४/१७७ अंतर्गत गुन्हा दाखल करण्यात आला आहे.
शुक्रवारी आरोपीला न्यायालयात हजर करण्यात आले असता न्यायालयाने त्याला १४ दिवसांची न्यायालयीन कोठडी सुनावली. या भीषण अपघातामुळे खामगाव शहरात हळहळ व्यक्त होत असून भरधाव वाहनांवर कठोर कारवाई करण्याची मागणी नागरिकांकडून केली जात आहे.
👉 KattaNews.in ला Follow करा
महाराष्ट्रातील ब्रेकिंग न्यूज, अपघात, गुन्हेगारी, राजकीय आणि वायरल बातम्यांचे सर्वात जलद अपडेट्स मिळवण्यासाठी KattaNews.in ला Follow करा.
Related News
- रोजगार हमीचा डिजिटल फास! फेस अटेंडन्सच्या किचकट नियमांमुळे शेतकरी-मजुरांचे हाल; घरकुल हप्तेही रखडले
- सिंदखेडराजा तहसील कार्यालयाचा भोंगळ कारभार! जनरेटर बंद, लाईट गायब; नागरिक दिवसभर हेलपाटे
- सीसीटीव्हीत कैद झालेले धक्कादायक अपघात
