बुलढाणा | कट्टा न्यूज नेटवर्क
जिल्ह्यात सध्या वातावरण प्रचंड तापले असून आमदार संजय गायकवाड यांच्या विरोधात कम्युनिस्ट कार्यकर्ते रस्त्यावर उतरले आहेत. शिवाजी महाराजांबाबतच्या वादग्रस्त वक्तव्याच्या पार्श्वभूमीवर संताप उसळला आहे. विशेष म्हणजे, प्रशांत आंबी यांना चिखली येथे पोलिसांनी तात्पुरते ताब्यात घेतले (डिटेन) असल्याने आंदोलनाला आणखी धार मिळाल्याचे चित्र दिसत आहे.
राज्यभरातून आलेले कम्युनिस्ट कार्यकर्ते बुलढाण्यात एकत्र जमले असून “शिवाजी महाराजांचा अपमान सहन करणार नाही” अशा तीव्र घोषणा देत त्यांनी परिसर दणाणून सोडला. या घटनेमुळे संपूर्ण शहरात तणावपूर्ण वातावरण निर्माण झाले आहे.
दरम्यान, पोलिसांनी परिस्थिती नियंत्रणात ठेवण्यासाठी कडेकोट बंदोबस्त तैनात केला आहे. सुमारे 150 ते 200 पोलिस कर्मचारी आणि वरिष्ठ अधिकारी घटनास्थळी तैनात असून कोणताही अनुचित प्रकार घडू नये यासाठी खबरदारी घेतली जात आहे.
दुसरीकडे, आमदार संजय गायकवाड यांच्या समर्थकांचीही मोठ्या प्रमाणात गर्दी त्यांच्या कार्यालयासमोर जमल्याचे दिसत आहे. अंदाजे 3 ते 4 हजार समर्थक उपस्थित असल्यामुळे परिस्थिती अधिकच संवेदनशील बनली आहे.
“गायकवाडांवर अद्याप गुन्हा का दाखल करण्यात आला नाही?” असा सवाल उपस्थित करत कम्युनिस्ट पक्षाने प्रशासनावर तीव्र नाराजी व्यक्त केली आहे. येत्या काळात हे आंदोलन आणखी उग्र होण्याची शक्यता वर्तवली जात आहे.
या सर्व पार्श्वभूमीवर बुलढाण्यातील परिस्थिती सध्या नियंत्रणात असली तरी तणाव कायम असल्याने पुढील काही तास अत्यंत महत्त्वाचे ठरणार आहेत. पुस्तक वाचन कार्यक्रम पार पडतो का आणि आंदोलनाची दिशा काय घेते याकडे सर्वांचे लक्ष लागले आहे.
📢 तुमचं मत काय?
गायकवाड प्रकरणावर तुमचं मत काय आहे? खाली कमेंट करून नक्की कळवा आणि ही बातमी शेअर करा.
🔗 Related News
- बुलढाणा तणावग्रस्त! आमदार संजय गायकवाडांच्या घराबाहेर आंदोलन उफाळलं; पोलिसांशी झटापट, अनेक जण ताब्यात
- महाराष्ट्र ब्रेकिंग न्यूज LIVE अपडेट
- लोणारमध्ये शिवप्रेमींचा जल्लोष! संजुभाऊ गायकवाड यांच्या समर्थनार्थ भव्य दुग्धाभिषेक; ‘छत्रपतींचा अपमान सहन नाही’ इशारा
